| ᠠᠷᠪᠠᠨ ᠬᠤᠶᠠᠳᠣᠭᠠᠷ ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠴᠦᠰ ᠠᠴᠠ ᠬᠠᠮᠤᠭ ᠮᠤᠩᠭᠤᠯ ᠤᠯᠤᠰ ᠮᠤᠩᠭᠤᠯ ᠤᠨ ᠪᠤᠰᠤᠳ | ᠠᠶᠢᠮᠠᠭ ᠤᠳ ᠢ ᠨᠢᠭᠡᠳᠬᠡᠬᠦ ᠳᠤ ᠭᠤᠤᠯᠯᠠᠬᠤ ᠡᠭᠦᠷᠬᠡ ᠬᠦᠢᠴᠡᠳᠬᠡᠵᠦ᠂ ᠪᠤᠳᠠᠨᠴᠢᠷ ᠤᠨ ᠵᠢᠷᠭᠤᠳᠤᠭᠠᠷ ᠦᠶᠡ ᠶᠢᠨ | ᠠᠴᠢ ᠴᠢᠩᠬᠢᠰ ᠮᠤᠩᠭᠤᠯ ᠤᠨ ᠳᠤᠯᠭᠤᠷ ᠳᠦᠷᠦ ᠶᠢ ᠰᠡᠷᠭᠦᠬᠡᠨ ᠪᠠᠶᠢᠭᠤᠯᠵᠤ᠂ ᠶᠡᠭᠡ ᠬᠠᠭᠠᠨ ᠳᠤ 1206 ᠤᠨ ᠳᠤ | ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠢᠶᠠᠷ ᠬᠠᠮᠤᠭ ᠮᠤᠩᠭᠤᠯ ᠤᠨ ᠳᠡᠷᠢᠬᠦᠯᠡᠭᠴᠢ ᠠᠶᠢᠮᠠᠭ ᠬᠢᠶᠡᠳ ᠪᠤᠷᠵᠢᠬᠢᠨ ᠨᠢ ᠠᠯᠳᠠᠨ ᠤᠷᠤᠭ ᠤᠨ | ᠤᠪᠤᠭ ᠶᠠᠰᠤ ᠪᠤᠯᠵᠠᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠴᠢᠩᠬᠢᠰ ᠬᠠᠭᠠᠨ ᠤ ᠤᠳᠤᠮ ᠤᠨ ᠮᠤᠩᠭᠤᠯ ᠪᠦᠬᠦ ᠬᠠᠭᠠᠳ | ᠨᠤᠶᠠᠳ ᠬᠢᠶᠡᠳ ᠶᠠᠰᠤᠳᠤ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠬᠦᠳᠦᠯᠬᠦ ᠶᠤᠰᠤᠨ ᠤᠯᠠᠮᠵᠢᠯᠠᠯ ᠪᠤᠯᠪᠠ᠃ | ᠪᠤᠳᠠᠨᠴᠢᠷ ᠤᠨ ᠡᠭᠦᠰᠬᠡᠭᠰᠡᠨ ᠠᠯᠳᠠᠨ ᠤᠷᠤᠭ ᠠᠴᠠ ᠭᠠᠷᠤᠯ ᠲᠠᠢ ᠪᠤᠷᠵᠢᠬᠢᠨ ᠳᠠᠶᠢᠵᠢ ᠨᠠᠷ ᠢ ᠳᠤᠳᠤᠷᠠ ᠨᠢ | ᠳᠦᠷᠦᠯ ᠳᠠᠶᠢᠵᠢ ᠪᠤᠯᠤᠨ ᠬᠠᠷᠢᠶᠠ ᠳᠠᠶᠢᠵᠢ ᠬᠡᠮᠡᠨ ᠬᠤᠶᠠᠷ ᠢᠯᠭᠠᠨᠠ᠃ ᠳᠦᠷᠦᠯ ᠳᠠᠶᠢᠵᠢ ᠭᠡᠳᠡᠭ ᠨᠢ ᠴᠢᠩᠬᠢᠰ | ᠬᠠᠭᠠᠨ ᠤ ᠰᠢᠭᠤᠳ ᠤᠳᠤᠮ ᠤᠨ ᠳᠠᠶᠢᠵᠢ ᠨᠠᠷ︔ ᠬᠠᠷᠢᠶᠠᠳᠤ ᠳᠠᠶᠢᠵᠢ ᠭᠡᠳᠡᠭ ᠨᠢ ᠴᠢᠩᠬᠢᠰ ᠬᠠᠭᠠᠨ ᠤ ᠳᠡᠭᠦᠦ | ᠬᠠᠪᠤᠳᠤ ᠬᠠᠰᠠᠷ᠂ ᠪᠦᠬᠡ ᠪᠡᠯᠬᠦᠳᠡᠢ᠂ ᠤᠳᠴᠢᠬᠢᠨ ᠨᠤᠶᠠᠨ ᠨᠠᠷ ᠤᠨ ᠦᠷᠡ ᠬᠤᠶᠢᠴᠢᠰ ᠨᠢ ᠶᠤᠮ᠃ ᠮᠠᠨᠵᠤ ᠶᠢᠨ | ᠳᠠᠷᠤᠩᠭᠤᠶᠢᠯᠠᠯ ᠤᠨ ᠦᠶᠡ ᠶᠢᠨ ᠬᠠᠯᠬᠠ ᠶᠢᠨ ᠳᠦᠷᠪᠡᠨ ᠠᠶᠢᠮᠠᠭ ᠤᠨ 86 ᠬᠤᠰᠢᠭᠤᠨ ᠠᠴᠠ 83 ᠬᠤᠰᠢᠭᠤ ᠶᠢ | ᠴᠢᠩᠬᠢᠰ ᠤᠨ ᠤᠭᠰᠠᠭᠠᠨ ᠤ᠂ ᠳᠡᠬᠡᠬᠦ ᠳᠤ ᠪᠠᠨ ᠳᠡᠭᠦᠨ ᠤ ᠤᠳᠬᠤᠨ ᠬᠦᠦ ᠳᠤᠯᠤᠢ ᠶᠢᠨ ᠤᠳᠤᠮ ᠤᠨ ᠳᠦᠷᠦᠯ | ᠳᠠᠶᠢᠵᠢ ᠨᠠᠷ ᠵᠡᠬᠢᠷᠴᠦ ᠪᠠᠶᠢᠪᠠ᠃ ᠪᠠᠰᠠ ᠥᠪᠥᠷ ᠮᠤᠩᠭᠤᠯ ᠤᠨ ᠦᠵᠦᠮᠦᠴᠢᠨ᠂ ᠬᠠᠭᠤᠴᠢᠳ᠂ ᠰᠦᠨᠢᠳ᠂ | ᠤᠷᠳᠤᠰ᠂ ᠳᠦᠮᠡᠳ᠂ ᠠᠤᠬᠠᠨ᠂ ᠨᠠᠶᠢᠮᠠᠨ᠂ ᠵᠠᠷᠤᠳ᠂ ᠪᠠᠭᠠᠷᠢᠨ᠂ ᠬᠡᠰᠢᠭᠳᠡᠨ᠂ ᠬᠠᠯᠬᠠ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ | ᠭᠠᠷ ᠵᠡᠷᠭᠡ ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠨᠤᠶᠠᠳ ᠳᠠᠶᠢᠵᠢ᠂ ᠳᠦᠢᠨ ︵ᠯᠠᠮᠠ ᠳᠠᠶᠢᠵᠢ︶᠂ ᠬᠤᠸᠠᠷᠠᠭ ᠨᠠᠷ ᠴᠦᠮ | ᠴᠢᠩᠬᠢᠰ ᠤᠨ ᠤᠭᠰᠠᠭᠠᠨ ᠤ ᠠᠵᠠᠢ᠃ ᠴᠢᠩᠬᠢᠰ ᠤᠨ ᠳᠡᠭᠦᠦ ᠬᠠᠰᠠᠷ ᠤᠨ ᠤᠭᠰᠠᠭᠠᠨ ᠤ ᠬᠠᠷᠢᠶᠠᠳᠤ ᠳᠠᠶᠢᠵᠢ ᠨᠠᠷ | ᠥᠪᠥᠷᠯᠡᠭᠴᠢᠳ ᠤᠨ ᠬᠤᠷᠴᠢᠨ᠂ ᠵᠠᠯᠠᠶᠢᠳ᠂ ᠳᠦᠷᠪᠡᠳ᠂ ᠭᠤᠷᠯᠤᠰ᠂ ᠳᠦᠷᠪᠡᠨ ᠬᠡᠦᠬᠡᠳ᠂ ᠮᠤᠤᠮᠢᠩᠭᠠᠨ᠂ | ᠤᠷᠠᠳ᠂ ᠠᠯᠠᠱᠠ ᠶᠢᠨ ᠦᠭᠡᠯᠡᠳ ᠬᠢᠭᠡᠳ ᠬᠤᠪᠳᠤ ᠶᠢᠨ ᠪᠤᠯᠠᠭᠠᠨ᠂ ᠬᠦᠬᠡᠨᠠᠭᠤᠷ ᠤᠨ ᠬᠤᠱᠤᠳ ᠵᠡᠷᠭᠡ ᠠᠶᠢᠮᠠᠭ | ᠬᠤᠰᠢᠭᠤᠨ ᠤ ᠨᠤᠶᠠᠳ ᠪᠠᠶᠢᠪᠠ᠃ ᠪᠦᠬᠡ ᠪᠡᠯᠬᠦᠳᠠᠢ ᠶᠢᠨ ᠤᠳᠤᠮ ᠤᠨ ᠳᠠᠶᠢᠵᠢ ᠨᠠᠷ ᠥᠪᠥᠷ ᠮᠤᠩᠭᠤᠯ ᠤᠨ ᠠᠪᠠᠭᠠ | ᠂ ᠠᠪᠠᠭᠠᠨᠠᠷ᠂ ᠳᠦᠷᠪᠡᠳ ᠬᠤᠰᠢᠭᠤ ᠶᠢ ᠵᠠᠬᠢᠷᠴᠦ᠂ ᠤᠳᠴᠢᠬᠢᠨ ᠨᠤᠶᠠᠨ ᠤ ᠦᠷᠡ ᠬᠤᠶᠢᠴᠢᠰ ᠨᠢ ᠤᠩᠨᠢᠭᠤᠳ | ᠬᠤᠶᠠᠷ ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠰᠠᠨ ᠨᠤᠶᠠᠳ ᠪᠤᠯᠵᠠᠢ᠃ | ︽ᠮᠤᠩᠭᠤᠯ ᠤᠨ ᠳᠡᠦᠬᠡ ᠶᠢᠨ ᠪᠠᠭᠠ ᠨᠡᠪᠳᠡᠷᠬᠡᠢ ᠳᠤᠯᠢ︾ ︵ᠨᠢᠭᠡᠳᠦᠭᠡᠷ ᠳᠡᠪᠳᠡᠷ ᠤᠨ 92 ~ | 93 ᠳ᠋ᠤᠭᠠᠷ ᠨᠢᠭᠤᠷ ᠲᠤ ᠪᠤᠢ︶ | | | | | | | | | | | ᠁ |