ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠮᠡᠳᠡᠭᠡ ᠬᠤᠷᠠᠬᠤᠢ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠪᠠᠭᠠᠷᠢᠨ ᠢᠶᠠᠷ ᠠᠶᠠᠯᠠᠭᠰᠠᠨ ᠠᠨᠤ ︵ᠨᠢᠭᠡ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2022/12/1
               ︹ᠴᠢᠩ︺ᠴᠠᠩ ᠪᠠᠢ ᠸᠧᠨ ᠰᠢᠶᠠᠩ ᠪᠦᠸᠧ ᠴᠤᠧᠠᠨ        ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠲᠤᠯᠤᠭᠠᠨ ᠤᠨ᠂ ᠤᠯᠠᠭᠴᠢᠨ ᠮᠣᠭᠠᠢ ᠵᠢᠯ᠂ ᠬᠦᠬᠡᠭᠡ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠬᠤᠶᠠᠷ ᠤᠨ ᠡᠳᠦᠷ ᠠᠳᠣᠭᠤᠨ ᠢ ᠵᠠᠬᠢᠷᠬᠤ ᠶᠠᠮᠤᠨ ᠤ ᠳ᠋ᠡᠰ ᠲᠦᠰᠢᠮᠡᠯ ᠠᠭᠰᠠᠨ ᠡᠷᠡᠨ ᠳᠤᠷ ᠵᠠᠷᠯᠢᠭ ᠢᠶᠠᠷ ᠨᠢᠭᠡᠨᠳᠡ ᠦᠩᠭᠡᠷᠡᠭᠰᠡᠨ ᠪᠠᠭᠠᠷᠢᠨ ᠵᠠᠰᠠᠭ ᠪᠠᠶᠢᠰᠠ ᠳᠣᠷᠵᠢᠰᠠᠩᠷᠣᠪ ᠤᠨ ᠨᠣᠳᠤᠭ ᠲᠤᠷ ᠬᠦᠷᠴᠦ ᠡᠵᠡᠨ ᠤ ᠡᠮᠦᠨ᠎ᠠ ᠠᠴᠠ ᠭᠠᠰᠢᠭᠤᠳᠠᠨ ᠲᠠᠶᠢᠪᠠᠢ᠃ ᠵᠢᠯ ᠤᠨ ᠡᠮᠦᠨ᠎ᠠ ᠡᠵᠡᠨ ᠠᠴᠠ ᠰᠣᠷᠭᠠᠯ ᠬᠦᠷᠳᠡᠭᠰᠡᠨ ᠪᠦᠯᠦᠭᠡ᠃ ᠴᠡᠷᠢᠭ ᠤᠨ ᠵᠤᠷᠭᠠᠨ᠂ ᠮᠣᠩᠭᠤᠯ ᠵᠤᠷᠭᠠᠨ ᠤ ᠲᠡᠮᠳᠡᠭ ᠪᠢᠴᠢᠭ ᠢ ᠪᠦᠷᠢᠳᠭᠡᠨ ᠭᠦᠢᠴᠡᠭᠡᠳᠦᠢ ᠶᠢᠨ ᠲᠣᠯᠠᠳᠠ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠬᠤᠶᠠᠷ ᠲᠤᠷ ᠡᠰᠡ ᠬᠦᠳᠡᠯᠦᠨ ᠬᠦᠯᠢᠶᠡᠭᠡᠳ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠨᠢᠭᠡᠨ ᠳᠤᠷ ᠲᠠᠬᠢᠨᠳᠠ ᠡᠵᠡᠨ ᠠᠴᠠ ᠰᠣᠷᠭᠠᠯ ᠬᠦᠷᠳᠡᠵᠦ᠂ ᠠᠷᠪᠠᠨ ᠲᠦᠷᠪᠡᠨ ᠳᠤᠷ ᠬᠦᠳᠡᠯᠦᠨ ᠭᠠᠷᠤᠭᠰᠠᠨ ᠪᠦᠯᠦᠭᠡ ᠃︹ᠡᠵᠡᠨ ᠠᠴᠠ ᠰᠣᠷᠭᠠᠯ ᠬᠦᠷᠳᠡᠬᠦ ᠬᠡᠮᠡᠭᠴᠢ ᠮᠠᠨᠵᠣ ᠪᠠᠷ ᠪᠢᠴᠢᠭᠰᠡᠨ ᠠᠶᠢᠯᠠᠳᠬᠠᠯ ᠤᠨ ᠨᠣᠭᠤᠯᠪᠤᠷᠢ ᠠᠴᠠ ᠭᠠᠳᠠᠨ᠎ᠠ ᠰᠢᠷ᠎ᠠ ᠭᠬᠢᠪ ᠢᠶᠠᠷ ᠪᠠᠷᠢᠨᠳᠠᠭᠯᠠᠭᠰᠠᠨ ᠠᠮᠤᠷ ᠠᠶᠢᠯᠠᠳᠬᠠᠬᠤ ᠨᠤᠭᠤᠯᠪᠤᠷᠢ ᠶᠢᠨ ᠬᠠᠮᠳᠤ ᠬᠠᠭᠤᠯᠪᠤᠷᠢᠯᠠᠭᠰᠠᠨ ᠲᠡᠮᠳᠡᠭ ᠪᠢᠴᠢᠭ ᠢ ᠲᠡᠪᠰᠢᠭᠦᠯᠪᠡᠢ᠃ ᠮᠣᠩᠭᠤᠯ ᠵᠤᠷᠭᠠᠨ ᠠᠴᠠ ᠦᠢᠯᠡᠳᠦᠭᠰᠡᠨ ᠮᠠᠨᠵᠤ ᠮᠣᠩᠭᠤᠯ ᠬᠢᠲᠠᠳ ᠬᠠᠪᠰᠤᠷᠭᠠᠭᠰᠠᠨ ᠲᠠᠬᠢᠯ ᠤᠨ ᠪᠢᠴᠢᠭ ᠨᠢᠭᠡᠨ ᠬᠤᠪᠢ᠂ ᠵᠠᠷᠯᠢᠭ ᠤᠨ ᠬᠤᠯᠣᠰᠤᠨ ᠬᠤᠩᠬᠢᠶ᠎ᠠ ᠨᠢᠭᠡᠨ᠂ ᠤᠯᠠᠭᠠᠨ ᠰᠢᠷ᠎ᠠ ᠳᠣᠷᠳᠤᠩ ᠲᠤᠰ ᠪᠦᠷᠢ ᠨᠠᠢᠮᠠᠨ ᠲᠤᠬᠤᠢ᠂ ᠰᠢᠷ᠎ᠠ ᠲᠤᠷᠭ᠎ᠠ ᠨᠠᠢᠮᠠᠨ ᠲᠣᠬᠤᠢ ᠪᠣᠯᠤᠨ ᠬᠤᠯᠣᠰᠣᠨ ᠬᠤᠩᠬᠢᠶ᠎ᠠ ᠶᠢ ᠡᠭᠦᠷᠬᠦ ᠨᠠᠢᠮᠠᠨ ᠲᠣᠬᠤᠢ ᠰᠢᠷ᠎ᠠ ᠪᠦᠰ ᠬᠤᠶᠠᠷ ᠬᠡᠰᠡᠭ ᠢ ᠬᠦᠯᠢᠶᠡᠨ ᠠᠪᠴᠤ ᠮᠦᠨ ᠬᠤᠪᠢ ᠪᠠᠷ ᠢᠶᠠᠨ ᠨᠠᠢᠮᠠᠨ ᠲᠣᠬᠤᠢ ᠰᠢᠷ᠎ᠠ ᠪᠦᠰ ᠢ ᠪᠡᠯᠡᠳᠭᠡᠨ ᠰᠢᠷ᠎ᠠ ᠲᠤᠷᠭᠠᠨ ᠤ ᠭᠠᠳᠠᠭᠤᠷ ᠪᠠᠭᠯᠠᠨ᠂ ᠮᠣᠩᠭᠤᠯ ᠵᠤᠷᠭᠠᠨ ᠠᠴᠠ ᠲᠤᠰᠢᠶᠠᠭᠰᠠᠨ ᠬᠤᠶᠠᠷ ᠰᠢᠷ᠎ᠠ ᠲᠤᠷᠭᠠᠨ ᠤᠭᠤᠳᠠᠨ ᠳᠤᠷ ᠳᠠᠬᠢᠯ ᠤᠨ ᠪᠢᠴᠢᠭ ᠮᠦᠩᠬᠦ ᠪᠣᠯᠤᠨ ᠴᠡᠷᠢᠭ ᠤᠨ ᠵᠤᠷᠭᠠᠨ ᠠᠴᠠ ᠦᠭᠭᠦᠭᠰᠡᠨ ᠴᠡᠷᠢᠭ ᠤᠨ ᠲᠡᠮᠳᠡᠭ ᠲᠠᠬᠢᠯᠭ᠎ᠠ ᠶᠢᠨ ᠪᠢᠴᠢᠭ ᠢ ᠤᠭᠤᠳᠠᠯᠠᠮᠣᠢ᠃ ᠲᠠᠬᠢᠯ ᠤᠨ ᠪᠢᠴᠢᠭ ᠢ ᠦᠷᠳᠡᠭᠡ ᠪᠦᠷᠢ ᠳᠤᠷ ᠦᠷᠳᠡᠭᠡᠴᠢ ᠨᠢᠭᠡᠨ ᠨᠡᠷ᠎ᠠ᠂ ᠤᠯᠠᠭᠠᠴᠢ ᠬᠤᠶᠠᠷ ᠨᠡᠷ᠎ᠠ ᠲᠤᠮᠢᠯᠠᠨ ᠬᠦᠷᠭᠡᠯᠭᠡᠮᠦᠢ᠃ ᠨᠡᠶᠢᠰᠯᠡᠯ ᠠᠴᠠ ᠭᠠᠷᠴᠤ ᠦᠷᠳᠡᠭᠡ ᠳᠠᠮᠵᠢᠨ ᠲᠠᠮᠠᠭᠠᠨ ᠬᠤᠧᠠᠷ ᠨᠠᠭᠠᠯᠭᠠᠨ ᠶᠠᠪᠤᠮᠤᠢ᠃ ᠦᠷᠳᠡᠭᠡ ᠪᠦᠷᠢ ᠳᠤᠷ ᠠᠯᠭᠤᠷᠯᠠᠨ ᠤᠰᠤᠯᠳᠠᠬᠤ ᠪᠦᠯᠦᠭᠡ᠂ ᠶᠡᠷᠦᠳᠡᠭᠡᠨ ᠠᠯᠪᠠᠨ ᠴᠡᠷᠢᠭ ᠨᠢᠭᠡᠯᠡ ᠬᠦᠮᠦᠨ ᠦᠷᠳᠡᠭᠡᠨ ᠳᠤᠷ ᠠᠯᠪᠠᠯᠠᠬᠤ ᠪᠠᠷ ᠢᠷᠡᠵᠦ᠂ ᠲᠡᠭᠦᠨ ᠢ ᠪᠠᠰᠠ ᠰᠢᠬᠠᠮᠳᠠᠭᠤᠯᠤᠨ ᠱᠠᠭᠠᠷᠳᠠᠬᠤ ᠦᠭᠡᠢ ᠪᠣᠯᠪᠠᠰᠤ ᠦᠯᠦ ᠪᠣᠯᠤᠮᠤᠢ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠮᠣᠩᠭᠤᠯ ᠵᠤᠷᠭᠠᠨ ᠠᠴᠠ ᠲᠣᠭᠳᠠᠭᠠᠯ ᠶᠣᠰᠤᠭᠠᠷ ᠬᠠᠪᠰᠤᠷᠭᠠᠭᠰᠠᠨ ᠪᠢᠴᠢᠭ᠂ ᠴᠡᠷᠢᠭ ᠤᠨ ᠲᠡᠮᠳᠡᠭ ᠢ ᠮᠣᠩᠭᠤᠯ ᠬᠦᠮᠦᠨ ᠪᠦᠷᠢ ᠳᠤ ᠨᠢᠭᠡᠨ ᠬᠤᠪᠢ ᠶᠢ ᠦᠭᠴᠦ᠂ ᠮᠣᠩᠭᠤᠯ ᠦᠷᠳᠡᠭᠡᠨ ᠳᠤᠷ ᠬᠡᠷᠡᠭᠯᠡᠬᠦᠢ ᠳᠤᠷ ᠪᠡᠯᠡᠳᠭᠡᠬᠦ ᠪᠣᠯᠠᠢ᠃ ᠭᠡᠪᠡᠴᠦ ᠡᠳᠡᠭᠡᠷ ᠳᠡᠮᠳᠡᠭ ᠪᠢᠴᠢᠭ ᠢ ᠪᠡᠯᠡᠳᠭᠡᠭᠰᠡᠨ ᠴᠦ ᠬᠡᠷᠡᠭᠯᠡᠬᠦ ᠭᠠᠵᠠᠷ ᠦᠭᠡᠢ ᠪᠣᠶᠤ᠃ ᠮᠣᠩᠭᠤᠯ ᠦᠷᠳᠡᠭᠡᠨ ᠢᠨᠦ ᠤᠨᠤᠭ᠎ᠠ ᠮᠣᠷᠢᠳ ᠭᠦᠢᠴᠡᠯᠳᠦᠬᠦ ᠦᠭᠡᠢ ᠬᠡᠮᠡᠨ ᠰᠢᠯᠳᠠᠵᠤ ᠡᠨᠡᠬᠦ ᠲᠡᠮᠳᠡᠭ ᠪᠢᠴᠢᠭ ᠢᠶᠠᠷ ᠤᠯᠠᠭ᠎ᠠ ᠶᠢᠨ ᠮᠣᠷᠢ ᠶᠢ ᠰᠣᠯᠢᠵᠦ ᠦᠭᠬᠦ ᠬᠡᠮᠡᠳᠡᠭ᠂ ᠲᠡᠭᠦᠨ ᠢ ᠢᠳᠡᠭᠡᠵᠦ ᠦᠯᠦ ᠪᠣᠯᠤᠮᠤᠢ᠃ ᠤᠷᠢᠳᠤᠬᠢ ᠬᠦᠮᠦᠰ ᠤᠨ ᠬᠡᠯᠡᠬᠦ ᠪᠠᠷ ᠡᠨᠡᠬᠦ ᠳᠡᠮᠳᠡᠭ ᠢ ᠦᠭᠪᠡᠰᠦ ᠳᠠᠨᠠᠷ ᠶᠠᠮᠠᠷᠪᠠ ᠬᠦᠮᠦᠨ ᠤᠨᠤᠭ᠎ᠠ ᠶᠢ ᠡᠯᠳᠡᠪ ᠢᠶᠠᠷ ᠬᠢᠬᠠᠨ ᠰᠢᠬᠠᠵᠤ ᠰᠠᠨᠠᠭᠠᠨ ᠤ ᠲᠠᠪᠠ ᠪᠠᠷ ᠵᠠᠷᠤᠳᠠᠭ ᠬᠡᠮᠡᠮᠦ᠃ ᠳᠠᠬᠢᠯ ᠤᠨ ᠪᠢᠴᠢᠭ᠂ ᠴᠡᠷᠢᠭ ᠤᠨ ᠲᠡᠮᠳᠡᠭ᠂ ᠬᠠᠪᠰᠤᠷᠭᠠᠭᠰᠠᠨ ᠪᠢᠴᠢᠭ ᠵᠡᠷᠭᠡ ᠶᠢ ᠴᠦᠮ ᠮᠣᠩᠭᠤᠯ ᠵᠣᠷᠭᠠᠨ ᠠᠴᠠ ᠬᠠᠷᠢᠭᠤᠴᠠᠨ ᠭᠦᠢᠴᠡᠳᠭᠡᠨ ᠬᠦᠨᠳᠦ ᠱᠠᠩ ᠬᠡᠰᠢᠭ ᠢ ᠬᠦᠯᠢᠶᠡᠨ ᠠᠪᠳᠠᠭ ᠪᠦᠯᠦᠭᠡ᠂ ᠬᠦᠮᠦᠨ ᠢ ᠭᠤᠶᠣᠨ ᠱᠠᠭᠠᠷᠳᠠᠨ ᠬᠦᠢᠴᠡᠳᠭᠡᠯᠭᠡᠵᠦ᠂ ᠤᠰᠤᠯ ᠠᠳᠡᠭᠦᠦ ᠭᠠᠷᠭᠠᠬᠤ ᠶᠢ ᠤᠨᠴᠠ ᠬᠢᠴᠢᠶᠡᠨ ᠪᠣᠶᠤ᠃ ᠲᠠᠬᠢᠯᠭᠠᠨ ᠤ ᠮᠦᠩᠭᠦ ᠶᠢ ᠮᠣᠩᠭᠤᠯ ᠵᠤᠷᠭᠠᠨ ᠠᠴᠠ ᠲᠣᠮᠢᠯᠠᠭᠰᠠᠨ ᠡᠷᠬᠢᠨ ᠬᠠᠮᠢᠶᠠᠷᠤᠭᠴᠢ ᠪᠠᠷ ᠲᠤᠰᠬᠠᠶᠢᠯᠠᠨ ᠲᠤᠭᠳᠠᠭᠰᠠᠨ ᠭᠠᠵᠠᠷ ᠲᠤᠷ ᠬᠦᠷᠭᠡᠨ ᠤᠴᠢᠵᠤ ᠲᠤᠬᠠᠢ ᠶᠢᠨ ᠭᠠᠵᠠᠷ ᠠᠴᠠ ᠳᠠᠬᠢᠯ ᠳᠤᠷ ᠬᠡᠷᠡᠭᠯᠡᠬᠦ ᠵᠦᠢᠯ ᠢ ᠬᠤᠳᠠᠯᠳᠤᠨ ᠠᠪᠬᠤ ᠪᠦᠯᠦᠭᠡ᠃ ᠪᠡᠯᠪᠡᠰᠦᠷᠡᠯ ᠬᠢᠵᠦ ᠪᠦᠬᠦᠢ ᠬᠦᠮᠦᠰ ᠦᠯᠦ ᠬᠠᠮᠢᠶᠠᠷᠬᠤ ᠪᠣᠯᠪᠠᠴᠤ ᠭᠠᠷ ᠢᠶᠠᠨ ᠪᠠᠵᠠᠭᠳᠠᠨ ᠲᠠᠯᠪᠢᠯ ᠦᠭᠡᠢ ᠰᠠᠭᠤᠨ ᠢᠶᠠᠷ ᠦᠭᠡᠢ ᠪᠦᠯᠦᠭᠡ᠃ ᠤᠶᠢᠷᠠᠯᠴᠠᠭ᠎ᠠ ᠪᠣᠯᠪᠠᠰᠤ ᠲᠦᠰᠢᠮᠡᠯ ᠠᠴᠠ ᠵᠥᠪᠬᠡᠨ ᠬᠤᠶᠠᠷ ᠬᠤᠭᠤᠰᠤᠨ ᠤᠭᠤᠳᠠ ᠦᠭᠳᠡᠭ᠂ ᠡᠰᠡ ᠪᠦᠭᠡᠰᠦ ᠪᠡᠯᠪᠡᠰᠦᠷᠡᠯ ᠬᠢᠵᠦ ᠪᠠᠶᠢᠭ᠎ᠠ ᠬᠦᠮᠦᠨ ᠢᠶᠠᠷ ᠪᠡᠯᠡᠳᠭᠡᠯᠭᠡᠳᠡᠭ ᠠᠵᠤᠭᠤ᠃ ᠢᠨᠢᠶᠡᠳᠦᠮᠳᠠᠢ ᠪᠤᠰᠤ ᠤᠤ᠃ ᠭᠡᠷᠪᠡᠷ ᠠᠰᠢᠭ ᠤᠯᠵᠠ ᠡᠰᠡ ᠤᠯᠳᠠᠪᠠᠰᠤ ᠡᠭᠦᠪᠡᠷ ᠵᠣᠯᠢᠶᠠᠰᠤ ᠪᠣᠯᠭᠠᠨ ᠮᠦᠴᠡᠭᠡᠷᠭᠡᠳᠡᠭ ᠠᠵᠤᠭᠤ᠃︺        ᠠᠷᠪᠠᠨ ᠲᠦᠷᠪᠡᠨ ᠤ ᠭᠤᠣᠯ ᠦᠳᠡ ᠳᠤᠷ ᠬᠦᠳᠡᠯᠦᠨ ᠭᠠᠷᠴᠤ ᠭᠤᠴᠢᠨ ᠭᠠᠵᠠᠷ ᠵᠠᠮᠨᠠᠨ ᠰᠦᠨ ᠾᠧ ᠳ᠋ᠢᠶᠠᠨ ᠳᠤᠷ ᠮᠣᠩᠭᠤᠯ ᠵᠤᠷᠭᠠᠨ ᠤ ᠲᠣᠮᠢᠯᠠᠭᠰᠠᠨ ᠬᠠᠮᠢᠶᠠᠷᠤᠭᠴᠢ ᠢᠯᠭᠠᠭᠴᠢ ᠲᠦᠰᠢᠮᠡᠯ ᠭᠤᠧᠠᠩ ᠱᠠᠨ ᠯᠤᠭ᠎ᠠ ᠤᠴᠠᠷᠠᠪᠠᠢ᠃ ᠳᠠᠬᠢᠨ ᠲᠦᠴᠢᠨ ᠭᠠᠵᠠᠷ ᠵᠠᠮᠨᠠᠨ ᠱᠦᠨ ᠢ ᠰᠢᠶᠠᠨ ᠳᠤᠷ ᠬᠦᠷᠴᠦ ᠬᠤᠳᠠ ᠶᠢᠨ ᠲᠣᠳᠤᠷᠠᠬᠢ ᠨᠠᠨ ᠭᠤᠧᠠᠨ ᠳᠤᠷ ᠬᠤᠨᠤᠭᠯᠠᠪᠠᠢ᠃ ᠲᠡᠬᠢᠶ᠎ᠠ ᠴᠠᠭ ᠤᠨ ᠡᠭᠢᠨ ᠳᠤᠷ ᠬᠠᠪᠤᠷ ᠤᠨ ᠠᠭᠤᠷ ᠤᠷᠤᠭᠰᠠᠨ ᠪᠣᠯᠠᠢ᠃ ︹ᠰᠢᠶᠠᠨ ᠤ ᠨᠣᠶᠠᠨ ᠢ ᠾᠧ ᠶᠢᠩ ᠬᠡᠮᠡᠮᠦᠢ᠂ ᠡᠷᠭᠦᠭᠰᠡᠨ ᠨᠡᠷ᠎ᠠ ᠯᠢ ᠹᠠᠩ᠂ ᠲᠣᠰᠠᠯᠠᠨ ᠪᠠᠷᠢᠬᠴᠢ ᠠᠴᠠ ᠪᠡᠶ᠎ᠠ ᠭᠠᠷᠴᠤᠬᠤᠢ᠃ ᠰᠢᠶᠠᠨ ᠤ ᠠᠷᠤ ᠡᠭᠦᠳᠡᠨ ᠤ ᠭᠠᠳᠠᠨ᠎ᠠ ᠺᠠᠩ ᠵᠢᠶᠧ ᠠᠪᠤᠭᠠᠢ ᠪᠣᠯᠤᠨ ᠳ᠋ᠦ᠋ ᠶᠠᠨ ᠱᠠᠨ ᠠᠪᠤᠭᠠᠢ ᠳᠤᠷ ᠪᠣᠰᠬᠠᠭᠰᠠᠨ ᠬᠦᠰᠢᠶᠡᠨ ᠪᠠᠶᠢᠮᠣᠢ᠃︺︵ᠠᠷᠪᠠᠨ ᠲᠠᠪᠤᠨ ᠤ ᠡᠳᠦᠷ ᠠᠴᠠ ᠬᠤᠷᠢᠨ ᠲᠦᠷᠪᠡᠨ ᠤ ᠡᠳᠦᠷ ᠪᠣᠯᠳᠠᠯᠠᠬᠢ ᠶᠢ ᠲᠤᠪᠴᠢᠯᠠᠪᠠ᠃︶         ᠬᠤᠷᠢᠨ ᠲᠠᠪᠤᠨ ᠤ ᠡᠳᠦᠷ ᠳᠠᠤᠯᠠᠢ ᠴᠠᠭ ᠤᠨ ᠡᠬᠢᠨ ᠳᠤᠷ ᠴᠠᠰᠤᠨ ᠤ ᠴᠢᠮᠡᠭᠡ ᠪᠠᠷ ᠪᠣᠰᠴᠤ ᠦᠵᠡᠪᠡᠰᠦ ᠲᠤᠬᠤᠢ ᠢᠯᠡᠭᠦᠦ ᠤᠷᠤᠵᠤᠬᠤᠢ᠃ ᠯᠣᠣ ᠴᠠᠭ ᠲᠤᠷ ᠴᠠᠰᠤ ᠵᠢᠭᠠᠬᠠᠨ ᠵᠣᠭᠰᠤᠬᠤᠢ ᠳᠤᠷ ᠤᠨᠤᠭ᠎ᠠ ᠬᠦᠯᠦᠭ ᠢ ᠱᠠᠭᠠᠷᠳᠠᠨ ᠵᠠᠮ ᠢᠶᠠᠨ ᠬᠦᠭᠡᠭᠡᠨ ᠭᠤᠴᠢᠨ ᠭᠠᠵᠠᠷ ᠭᠠᠷᠪᠠᠰᠤ ᠲᠡᠮᠦᠷ ᠤᠨ ᠲᠠᠷᠬᠠᠨ ᠤ ᠬᠦᠷᠢᠶᠡᠨ ᠳᠤᠷ ᠬᠦᠷᠴᠦ ᠡᠷᠳᠡ ᠶᠢᠨ ᠬᠤᠭᠤᠯᠠ ᠴᠠᠢ ᠶᠢ ᠬᠡᠷᠡᠭᠯᠡᠨ ᠵᠢᠭᠠᠬᠠᠨ ᠠᠮᠣᠰᠬᠢᠭᠠᠳ ᠪᠠᠰᠠ ᠬᠡᠳᠦᠨ ᠭᠠᠵᠠᠷ ᠲᠤᠷ ᠰᠢᠷᠤᠢ ᠶᠢᠨ ᠬᠦᠳᠦᠯ ᠳᠤᠷ ᠭᠠᠷᠬᠤᠢ ᠳᠤᠷ ᠨᠢᠭᠡᠨ ᠵᠠᠮ ᠪᠣᠢ᠂ ᠬᠠᠭᠠᠰ ᠭᠠᠵᠠᠷ ᠶᠠᠪᠤᠵᠤ ᠣᠷᠣᠢ ᠳᠡᠭᠡᠷ᠎ᠡ ᠢᠨᠦ ᠬᠦᠷᠴᠦᠬᠦᠢ᠂ ᠤᠷᠤᠢ ᠠᠨᠤ ᠲᠡᠭᠰᠢ ᠰᠢᠷᠡᠭᠡᠨ ᠮᠡᠲᠦ᠂ ᠪᠠᠷᠤᠭ ᠲᠦᠴᠢᠨ ᠭᠠᠵᠠᠷ ᠪᠠᠶᠢᠮᠣᠢ᠃ ᠲᠦᠷᠪᠡᠨ ᠵᠦᠭ ᠲᠤᠷ ᠪᠠᠷᠠᠯᠠᠪᠠᠰᠤ ᠠᠭᠤᠯᠠᠰ ᠤᠨ ᠤᠷᠭᠢᠯ ᠰᠡᠬᠦ᠋ᠢᠯᠴᠡᠨ᠂ ᠵᠢᠬᠡᠭᠦᠨ ᠰᠠᠯᠬᠢ ᠬᠠᠤᠭᠢᠨᠠᠮ᠃ ᠨᠤᠳᠤᠭ ᠤᠨ ᠬᠥᠮᠥᠰ ᠢᠨᠦ ᠡᠭᠦᠨ ᠢ ᠶᠡᠭᠡ ᠳᠠᠯᠠᠩ ᠬᠡᠮᠡᠮᠦ᠃ ᠪᠣᠭᠤᠮᠳᠠ ᠶᠢᠨ ᠭᠠᠳᠠᠨ᠎ᠠ ᠤᠯᠠᠨ ᠪᠣᠯᠪᠠᠴᠤ ᠪᠠᠭᠠᠷᠢᠨ ᠤ ᠵᠠᠮ ᠳᠤᠷ ᠬᠠᠷᠢᠨ ᠴᠦᠬᠡᠨ ᠰᠢᠭ ᠪᠣᠶᠤ᠃ ᠳᠠᠯᠠᠩ ᠠᠴᠠ ᠪᠠᠭᠤᠨ ᠨᠢᠭᠡᠨ ᠲᠤᠰᠬᠤᠨ ᠢ ᠦᠩᠭᠡᠷᠡᠨ ᠳᠠᠬᠢᠨᠳᠠ ᠳᠠᠪᠠᠭᠠᠨ ᠢ ᠦᠵᠡᠬᠦᠢ ᠳᠤᠷ ᠠᠷᠪᠠ ᠭᠠᠷᠤᠢ ᠭᠠᠵᠠᠷ ᠢ ᠦᠩᠭᠡᠷᠡᠨ ᠮᠦᠨ ᠠᠷᠪᠠ ᠭᠠᠷᠤᠢ ᠭᠠᠵᠠᠷ ᠦᠷᠬᠦᠯᠵᠢᠯᠡᠨ ᠠᠮᠤᠢ᠃ ᠪᠡᠴᠢᠨ ᠴᠠᠭ ᠤᠨ ᠭᠤᠳᠠᠭᠠᠷ ᠮᠦᠴᠡ ᠳᠤᠷ ᠴᠧᠨ ᠲᠤ ᠪᠦᠸᠧ ᠳᠤᠷ ᠬᠦᠷᠴᠦ ᠬᠤᠨᠣᠭᠯᠠᠬᠤᠢ ᠳᠤᠷ ᠯᠠᠮ᠎ᠠ ᠶᠢᠨ ᠰᠦᠮ᠎ᠠ ᠠᠴᠠ ᠬᠤᠨᠤᠭ ᠭᠤᠶᠤᠪᠠᠢ᠃︹ᠲᠤᠰ ᠦᠷᠳᠡᠭᠡᠨ ᠠᠴᠠ ᠬᠤᠶᠢᠰᠢᠬᠢ ᠤᠯᠠᠩᠬᠢ ᠭᠠᠵᠠᠷ ᠤᠨ ᠵᠠᠢ ᠠᠨᠤ ᠤᠨᠣᠪᠴᠢ ᠦᠭᠡᠢ᠂ ᠮᠣᠩᠭᠤᠯ ᠦᠷᠳᠡᠭᠡᠨ ᠤ ᠭᠠᠵᠠᠷ ᠤᠨ ᠵᠠᠢ ᠳᠤᠷ ᠲᠣᠭᠠᠨ ᠢᠶᠠᠨ ᠲᠦᠭᠦᠮᠴᠢᠯᠡᠨ ᠬᠡᠷᠡᠭᠯᠡᠳᠡᠭ ᠠᠵᠤᠭᠤ᠃︺        ᠬᠤᠷᠢᠨ ᠵᠢᠷᠭᠤᠭᠠᠨ ᠤ ᠡᠳᠦᠷ ᠯᠣᠣ ᠴᠠᠭ ᠤᠨ ᠡᠬᠢᠨ ᠳᠤᠷ ᠬᠦᠳᠡᠯᠣᠨ ᠭᠠᠷᠴᠤ ᠭᠤᠴᠢᠨ ᠭᠠᠵᠠᠷ ᠲᠤᠷ ᠪᠠᠭ᠎ᠠ ᠳᠠᠪᠠᠭᠠᠨ ᠤ ᠵᠠᠮ ᠢ ᠦᠩᠭᠡᠷᠡᠪᠡᠢ᠂ ᠾᠧᠢ ᠱᠦᠢ ᠯᠢᠶᠠᠩ ᠳᠠᠪᠠᠭᠠᠨ ᠬᠡᠮᠡᠮᠦ᠂ ᠳᠠᠪᠠᠭᠠᠨ ᠤ ᠳᠣᠣᠷ᠎ᠠ ᠾᠧᠢ ᠱᠦᠢ ᠼᠦᠨ ᠲᠣᠰᠬᠤᠨ ᠪᠠᠶᠢᠬᠤ ᠪᠣᠶᠤ᠃ ᠡᠷᠳᠡ ᠶᠢᠨ ᠬᠤᠭᠤᠯᠠ ᠴᠠᠢ ᠶᠢ ᠬᠡᠷᠡᠭᠯᠡᠨ ᠲᠦᠷ ᠠᠮᠠᠷᠠᠪᠠᠢ᠃ ᠲᠠᠬᠢᠨ ᠳᠥᠴᠢᠨ ᠭᠠᠵᠠᠷ ᠲᠤᠷ ᠪᠡᠴᠢᠨ ᠴᠠᠭ ᠤᠨ ᠦᠶᠡᠰ ᠲᠡᠭᠷᠢ ᠤᠷᠤᠢ ᠪᠣᠯᠤᠭᠰᠠᠨ ᠤ ᠲᠣᠯᠠᠳᠠ ᠦᠷᠳᠡᠭᠡᠨ ᠤ ᠵᠠᠩᠭᠢ ᠶᠢᠨ ᠭᠡᠷ ᠲᠤᠷ ᠬᠤᠨᠤᠭᠯᠠᠪᠠᠢ᠃ ᠳᠠᠷᠠᠭ᠎ᠠ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨ᠎ᠠ ᠮᠦᠨ ᠴᠠᠰᠤᠨ ᠤᠷᠤᠪᠠᠢ᠃
 
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠵᠠᠰᠠᠭ ᠤᠨ ᠣᠷᠲᠤᠨ ᠤ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠪᠤᠰ
︽ᠬᠤᠯᠠ ᠶᠢᠨ ᠲᠠᠷᠬᠡᠯ ᠭᠦᠳᠡᠭᠡ︾
︽ᠲᠠᠯ᠎ᠠ ᠨᠣᠳᠤᠬ ᠤᠨ ᠦᠷᠯᠣᠬᠡ ᠶᠢᠨ ᠤᠶᠠᠩᠭ᠎ᠠ︾
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09000577号