| ᠤᠷᠢᠲᠦ ᠴᠠᠭ ᠲᠤ ᠨᠢᠭᠡ ᠬᠡᠮᠵᠢᠶᠡ ᠦᠭᠡᠢ ᠶᠡᠭᠡ ᠪᠠᠶᠠᠨ ᠠᠵᠢᠯ ᠪᠡᠶᠢᠵᠦ ᠭᠡᠨᠡ᠃ ᠡᠳ᠋ ᠬᠦᠷᠦᠩᠭᠡ᠂ ᠠᠯᠳᠠ | ᠮᠦᠩᠭᠦ ᠭᠡᠵᠦ ᠬᠡᠴᠢᠨᠡᠨ ᠪᠠᠶᠢᠬᠤ ᠶᠢ ᠦᠪᠡᠷᠰᠡᠳ ᠢᠶᠠᠨ ᠴᠦ ᠬᠡᠮᠵᠢᠶᠡ ᠶᠢ ᠨᠢ ᠮᠡᠳᠡᠳᠡᠭ ᠦᠭᠡᠢ ᠪᠠᠶᠢᠵᠦ ᠭᠡᠨᠡ᠃ | ᠲᠡᠭᠡᠪᠡᠴᠦ ᠨᠢᠭᠡ ᠲᠤᠲᠠᠭᠤ ᠨᠢ ᠲᠠᠷᠢᠶᠠ ᠪᠤᠭᠤᠳᠠᠢ ᠦᠭᠡᠢ ᠭᠡᠨᠡ᠃ ᠲᠡᠭᠡᠭᠡᠳ ᠠᠪᠤ ᠨᠢ ᠠᠷᠭᠠ ᠪᠤᠳᠤᠵᠦ ᠬᠤᠶᠠᠷ | ᠬᠦᠪᠡᠭᠦᠨ ᠳᠡᠭᠡᠨ ᠬᠡᠲᠦᠨ ᠠᠴᠢᠶᠠᠨ ᠤ ᠠᠯᠳᠠ ᠮᠦᠩᠭᠦ᠂ ᠡᠳ᠋ ᠬᠦᠷᠦᠩᠭᠡ ᠪᠠᠨ ᠠᠴᠢᠵᠦ ᠦᠭᠭᠦᠭᠡᠳ᠄ | — ᠲᠠᠨ ᠬᠤᠶᠠᠷ ᠡᠭᠦᠨ ᠢᠶᠠᠨ ᠠᠪᠴᠦ ᠶᠠᠪᠤᠭᠠᠳ᠂ ᠬᠤᠯᠠ ᠭᠠᠵᠠᠷ ᠠᠴᠠ ᠲᠠᠷᠢᠶᠠ ᠪᠤᠭᠤᠳᠠᠢ ᠶᠢᠨ | ᠦᠷᠡ ᠪᠠᠷ ᠰᠤᠯᠢᠭᠠᠳ ᠢᠷᠡ ᠭᠡᠵᠦ ᠶᠠᠪᠤᠭᠤᠯᠵᠦ ᠭᠡᠨᠡ᠃ ᠬᠤᠶᠠᠷ ᠬᠦᠦ ᠨᠢ ᠠᠴᠢᠶᠠ ᠬᠦᠰᠭᠡ ᠪᠠᠨ ᠬᠦᠲᠦᠯᠦᠭᠡᠳ | ᠭᠠᠷᠬᠤ ᠳᠠᠭᠠᠨ ᠨᠢᠭᠡ ᠬᠤᠨᠢᠨ ᠮᠢᠬᠠ ᠪᠠᠷ ᠵᠠᠮ ᠤᠨ ᠬᠦᠨᠡᠰᠦ ᠬᠢᠵᠦ ᠭᠡᠨᠡ᠃ ᠲᠡᠭᠡᠭᠡᠳ ᠶᠠᠪᠤᠵᠦ ᠶᠠᠪᠤᠵᠦ | ᠵᠠᠮ ᠳᠠᠭᠠᠨ ᠪᠠᠭᠤᠳᠠᠯᠯᠠᠵᠦ ᠬᠤᠨᠤᠬᠤ ᠪᠤᠯᠵᠦ ᠭᠡᠨᠡ᠃ ᠠᠰᠬᠠᠨ ᠬᠤᠨᠤᠭ ᠬᠢᠬᠦ ᠳᠡᠭᠡᠨ ᠠᠬᠠ ᠨᠢ ᠬᠤᠨᠢᠨ ᠤ ᠬᠠ ᠶᠢ | ᠡᠪᠳᠡᠵᠦ ᠲᠠᠯᠤ ᠴᠢᠮᠦᠭᠡ ᠬᠤᠶᠠᠷ ᠢᠶᠠᠨ ᠴᠢᠨᠠᠵᠦ ᠭᠡᠨᠡ᠃ ᠮᠢᠬᠠ ᠪᠤᠯᠬᠤ ᠳᠤ ᠠᠬᠠ ᠨᠢ᠄ | — ᠴᠢ ᠲᠠᠯᠤ ᠢᠳᠡᠨᠤ︖ ᠴᠢᠮᠦᠭᠡ ᠢᠳᠡᠨᠤ︖ ᠭᠡᠵᠦ ᠲᠡᠭᠦᠦ ᠶᠢᠨ ᠢᠶᠠᠨ ᠲᠤᠷᠠ ᠶᠢ ᠠᠰᠠᠭᠤᠵᠦ ᠭᠡᠨᠡ᠂ | ᠲᠡᠭᠦᠦ ᠨᠢ᠄ | — ᠪᠢ ᠲᠠᠯᠤ ᠢᠳᠡᠨᠡ ᠭᠡᠳ ᠲᠠᠯᠤ ᠶᠢ ᠨᠢ ᠢᠳᠡᠵᠦ ᠭᠡᠨᠡ᠃ ᠲᠡᠭᠡᠭᠡᠳ ᠬᠤᠨᠤᠵᠦ ᠮᠠᠷᠭᠠᠰᠢ | ᠦᠷᠯᠦᠭᠡ ᠨᠢ ᠪᠤᠰᠴᠦ ᠢᠷᠡᠬᠦ ᠳᠤ ᠲᠡᠭᠦᠦ ᠶᠢᠨ ᠬᠢᠨᠢ ᠮᠤᠷᠢ ᠦᠭᠦᠴᠢᠭᠡᠭᠰᠡᠨ ᠪᠠᠶᠢᠵᠦ ᠭᠡᠨᠡ᠃ ᠮᠤᠷᠢᠨ ᠶᠠᠭᠠᠬᠢᠭᠠᠳ | ᠦᠭᠦᠴᠢᠭᠡᠪᠡ ᠭᠡᠵᠦ ᠠᠬᠠ ᠲᠡᠭᠦᠦ ᠬᠤᠶᠠᠷ ᠪᠤᠳᠤᠭᠠᠳ ᠰᠢᠨᠵᠢᠭᠡᠳ ᠰᠢᠯᠲᠠᠭᠠᠨ ᠢ ᠨᠢ ᠭᠠᠷᠭᠠᠵᠦ ᠡᠰᠡ | ᠴᠢᠳᠠᠬᠤ ᠳᠠᠭᠠᠨ ᠲᠦᠯᠭᠡᠴᠢ ᠶᠢ ᠬᠠᠶᠢᠵᠦ ᠮᠤᠷᠢ ᠮᠢᠨᠢ ᠶᠠᠭᠤ ᠪᠤᠯᠵᠦ ᠦᠭᠦᠪᠡ ᠭᠡᠵᠦ ᠲᠦᠯᠭᠡᠳᠡᠭᠦᠯᠵᠦ ᠭᠡᠨᠡ᠃ | ᠲᠦᠯᠭᠡᠴᠢ ᠲᠦᠯᠭᠡ ᠪᠠᠨ ᠦᠵᠡᠵᠦ ᠦᠵᠡᠭᠡᠳ᠄ | — ᠠ ᠴᠢ ᠦᠴᠦᠭᠡᠲᠦᠷ ᠲᠠᠯᠤ ᠶᠢᠨ ᠮᠢᠬᠠ ᠢᠳᠡᠭᠰᠡᠨ ᠦᠦ︖ ᠭᠡᠵᠦ ᠲᠡᠭᠦᠦ ᠠᠴᠠ ᠨᠢ ᠠᠰᠠᠭᠤᠵᠦ | ᠭᠡᠨᠡ᠃ | — ᠲᠡᠶᠢᠮᠦ ᠡ ᠭᠡᠬᠦ ᠳᠤ ᠲᠦᠯᠭᠡᠴᠢ᠄ | — ᠴᠢ ᠲᠠᠯᠤ ᠶᠢᠨ ᠮᠢᠬᠠᠨ ᠠᠴᠠ ᠠᠬᠠ ᠳᠠᠭᠠᠨ ᠠᠮᠰᠠᠭᠤᠯᠤᠭᠰᠠᠨ ᠦᠭᠡᠢ ᠪᠠ ᠭᠡᠵᠦ ᠭᠡᠨᠡ᠂ ᠲᠡᠭᠦᠦ ᠨᠢ᠄ | | — ᠲᠡᠶᠢᠮᠦ ᠡ ᠭᠡᠬᠦ ᠪᠠᠷ ᠲᠦᠯᠭᠡᠴᠢ᠄ | — ᠮᠤᠷᠢ ᠴᠢᠨᠢ ᠲᠡᠭᠦᠨ ᠠᠴᠠ ᠪᠤᠯᠵᠦ ᠦᠭᠦᠵᠡᠢ ᠭᠡᠵᠦ ᠬᠡᠯᠡᠵᠦ ᠦᠭᠴᠦ ᠭᠡᠨᠡ᠃ | ᠲᠡᠭᠦᠨ ᠠᠴᠠ ᠬᠤᠰᠢ ᠮᠤᠩᠭᠤᠯ ᠬᠦᠮᠦᠨ ᠲᠠᠯᠤ ᠶᠢᠨ ᠮᠢᠬᠠ ᠶᠢ ᠭᠠᠭᠴᠠᠭᠠᠷ ᠢᠳᠡᠳᠡᠭ ᠦᠭᠡᠢ ᠪᠦᠭᠡᠳ ᠲᠠᠯᠤ ᠶᠢᠨ | ᠮᠢᠬᠠ ᠶᠢ ᠬᠤᠪᠢᠶᠠᠨ ᠢᠳᠡᠪᠡᠯ ᠠᠳᠤᠭᠤᠨ ᠦᠰᠳᠡᠭ ᠭᠡᠵᠦ ᠬᠡᠯᠡᠳᠡᠭ᠃ ᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠬᠦᠮᠦᠨ ᠲᠠᠯᠤ ᠶᠢᠨ | ᠮᠢᠬᠠ ᠢᠳᠡᠬᠦ ᠳᠡᠭᠡᠨ ᠲᠠᠯᠤ ᠪᠠᠷᠢᠭᠰᠠᠨ ᠬᠦᠮᠦᠨ ᠨᠢ᠄ | — ᠵᠠ ᠲᠠᠯᠤ ᠶᠢᠨ ᠮᠢᠬᠠ ᠲᠠᠶᠠᠭᠠᠷ ᠢᠶᠠᠨ ᠬᠡᠬᠦ ᠦᠭᠡ ᠬᠡᠯᠡᠭᠡᠳ ᠲᠠᠯᠤ ᠶᠢᠨ ᠬᠠᠭᠤᠳᠠᠮ ᠢ ᠲᠦᠭᠡᠭᠡᠵᠦ | ᠦᠭᠭᠦ ᠳᠤ᠂ ᠲᠠᠯᠤ ᠶᠢᠨ ᠬᠠᠭᠤᠳᠠᠮ ᠬᠦᠨᠳᠡᠭᠰᠡᠨ ᠬᠦᠮᠦᠨ ᠪᠦᠬᠦᠨ᠄ | ᠵᠠ︕ ᠲᠠᠭᠠ ᠴᠢᠨᠢ ᠲᠠᠯᠠ ᠨᠠᠰᠤᠯᠠᠵᠦ | ᠪᠡᠶᠡ ᠴᠢᠨᠢ ᠨᠠᠶᠠ ᠨᠠᠰᠤᠯᠠᠭ︕ | ᠲᠠᠪᠠᠭᠠ ᠪᠠᠷ ᠲᠦᠭᠦᠷᠡᠩ | ᠲᠠᠩᠳᠠ ᠴᠤᠬᠤᠷ | ᠲᠠᠯᠠᠨ ᠰᠠᠶᠢᠬᠠᠨ ᠠᠳᠤᠭᠤ ᠲᠠᠢ ᠪᠤᠯᠤᠭ ᠭᠡᠵᠦ ᠲᠠᠯᠤ ᠪᠠᠷᠢᠭᠰᠠᠨ ᠬᠦᠮᠦᠨ ᠢ ᠢᠷᠦᠭᠡᠭᠡᠳ ᠢᠳᠡᠳᠡᠭ | ᠵᠠᠩᠰᠢᠯ ᠲᠠᠢ ᠪᠤᠯᠵᠠᠢ᠃ ᠯ᠊᠂ ᠦᠰᠦᠷᠦᠩᠭᠦᠢ ᠶᠢᠨ ︽ᠲᠡᠭᠡᠲᠦ ᠮᠤᠩᠭᠤᠯ ᠤᠨ ᠠᠮᠠᠨ ᠵᠤᠬᠢᠶᠠᠯ ᠤᠨ ᠴᠢᠭᠤᠯᠭᠠᠨ︾ ︵ | ᠲᠡᠭᠡᠲᠦ︶ ᠠᠴᠠ ᠲᠤᠶᠢᠮᠤᠴᠢᠯᠠᠨ ᠬᠤᠷᠢᠶᠠᠩᠭᠤᠶᠢᠯᠠᠪᠠ᠃ ︵ᠤᠶᠤᠨᠪᠤᠯᠠᠭ ᠶᠢᠨ ᠪᠦᠷᠭᠡ ᠠᠴᠠ︶ |