| ᠡᠷᠲᠡ ᠤᠷᠢᠲᠤ ᠴᠠᠭ ᠲᠤ᠂ ᠦᠷᠭᠡᠨ ᠠᠭᠤᠳᠠᠮ ᠦᠨᠢᠷ ᠪᠠᠶᠠᠯᠢᠭ ᠬᠠᠭᠤᠴᠢᠨ ᠪᠠᠷᠭᠤ ᠨᠤᠲᠤᠭ ᠲᠤ ᠬᠠᠰ | ᠪᠦᠰᠡᠯᠡᠬᠦᠷ ᠪᠤᠯᠵᠤ ᠤᠭᠠᠯᠵᠠᠯᠠᠨ ᠤᠷᠤᠰᠤᠭᠰᠠᠨ ᠤᠷᠤᠰᠬᠠᠯ ᠲᠤᠩᠭᠠᠯᠠᠭ ᠭᠤᠤᠯ ᠤᠨ ᠲᠡᠨᠵᠢᠨ ᠳᠤ᠂ ᠦᠩᠭᠡ ᠵᠢᠰᠦ | ᠦᠵᠡᠰᠬᠦᠯᠡᠩ ᠭᠤᠸᠠ᠂ ᠤᠬᠠᠭᠠᠨ ᠰᠠᠨᠠᠭᠠ ᠰᠡᠴᠡᠨ ᠰᠡᠷᠬᠦᠯᠡᠩ ᠮᠠᠷᠭᠡᠯ ᠬᠡᠳᠡᠭ ᠨᠡᠷᠡ ᠲᠠᠢ ᠨᠢᠬᠡᠨ ᠬᠡᠦᠬᠡᠨ ᠪᠠᠶᠢᠵᠤ | ᠬᠡᠨᠡ᠃ ᠨᠢᠬᠡᠨ ᠤᠲᠠᠭᠠ᠂ ᠰᠢᠷᠤᠢ ᠳᠤ ᠨᠠᠭᠠᠯᠲᠤᠭᠰᠠᠨ ᠴᠢᠰᠤ ᠶᠢ ᠴᠦ ᠲᠤᠯᠢᠶᠠᠮᠠᠷ ᠰᠢᠨᠤᠬᠠᠢ ᠬᠤᠪᠲᠤᠭ ᠪᠠᠭᠠᠲᠤᠷ | ᠴᠠᠭᠠᠨ ᠪᠠᠶᠠᠨ ᠠᠯᠪᠠᠲᠤ ᠪᠤᠭᠤᠯ ᠢᠶᠠᠨ ᠲᠠᠭᠠᠭᠤᠯᠤᠨ ᠠᠩ ᠭᠦᠷᠦᠬᠡ ᠬᠢᠵᠦ ᠶᠠᠪᠤᠭᠰᠠᠭᠠᠷ ᠠᠲᠡ ᠢᠷᠡᠭᠡᠳ ᠮᠡᠷᠬᠡᠯ | ᠬᠡᠦᠬᠡᠨ ᠢ ᠦᠵᠡᠵᠦ ᠲᠤᠭᠤᠭᠠᠳ᠂ ᠠᠪᠤ ᠡᠵᠢ ᠶᠢ ᠨᠢ ᠠᠶᠤᠯᠭᠠᠵᠤ ᠪᠠᠶᠢᠭᠠᠳ ᠬᠤᠲᠠᠯᠲᠤᠵᠤ ᠠᠪᠤᠭᠰᠠᠨ ᠬᠡᠨᠡ᠃ | ᠲᠡᠷᠡ ᠵᠢᠯ ᠮᠡᠷᠭᠡᠯ ᠬᠡᠦᠬᠡᠨ ᠶᠠᠭ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤᠯᠠᠵᠤ ᠤᠯᠠᠭᠠᠨ ᠴᠠᠭᠠᠨ ᠨᠢ ᠢᠯᠭᠠᠷᠠᠵᠤ᠂ ᠤᠶᠤᠨ ᠴᠢᠲᠠᠯ | ᠬᠤᠤᠰᠯᠠᠭᠰᠠᠨ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠲᠠᠢ ᠰᠡᠳᠬᠢᠯ ᠢᠶᠠᠨ ᠮᠡᠳᠡᠯᠴᠡᠵᠦ᠂ ᠡᠬᠦᠲᠡ ᠡᠷᠦᠬᠡ ᠨᠡᠬᠡᠬᠡᠨ ᠠᠵᠤ | ᠲᠦᠷᠦᠬᠦ ᠪᠠᠷ ᠤᠷᠤᠭ ᠲᠤᠭᠲᠠᠭᠰᠠᠨ ᠪᠠᠶᠢᠪᠠ᠃ ᠨᠢᠬᠡᠨ ᠡᠲᠦᠷ᠂ ᠪᠠᠭᠠᠲᠤᠷ ᠴᠠᠭᠠᠨ ᠪᠠᠶᠠᠨ ᠪᠢᠯᠲᠠᠤᠴᠢ | ᠵᠠᠷᠤᠴᠠ ᠪᠠᠨ ᠲᠠᠭᠠᠭᠤᠯᠵᠤ᠂ ᠮᠡᠷᠬᠡᠯ ᠬᠡᠦᠬᠡᠨ ᠢ ᠪᠠᠭᠠ ᠬᠠᠲᠤᠨ ᠪᠤᠯᠭᠠᠬᠤ ᠪᠠᠷ ᠪᠤᠯᠢᠶᠠᠬᠤ ᠪᠠᠷ ᠢᠷᠡᠭᠰᠡᠨ ᠳᠤ᠂ | ᠢᠨᠠᠭ ᠬᠤᠩᠭᠤᠷ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠨᠢ ᠬᠤᠯᠡ ᠶᠢᠨ ᠤᠲᠤᠷ ᠲᠤ ᠶᠠᠪᠤᠭᠠᠳ ᠡᠷᠦᠬᠡ ᠭᠡᠷ ᠲᠡᠭᠡᠨ ᠪᠠᠶᠢᠬᠰᠠᠨ | ᠦᠬᠡᠢ ᠬᠡᠨᠡ᠃ ᠬᠤᠤᠰ ᠦᠬᠡᠢ ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ ᠮᠡᠷᠬᠡᠯ ᠬᠡᠦᠬᠡᠨ ᠤᠷᠠᠨ ᠠᠷᠭᠠ ᠭᠠᠷᠭᠠᠵᠤ᠄ ︽ᠡᠵᠡᠨ ᠲᠡ | ᠮᠢᠨᠢ ᠨᠠᠮᠠᠶᠢ ᠠᠪᠠᠴᠢᠪᠠᠯ᠂ ᠪᠢ ᠵᠠᠪᠠᠯ ᠡᠨᠡᠬᠦ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠮᠢᠨᠢ ᠤᠮᠳᠠᠯᠠᠵᠤ ᠦᠰᠭᠡᠭᠰᠡᠨ ᠭᠤᠤᠯ ᠤᠨ | ᠬᠦᠪᠡᠭᠡ ᠶᠢ ᠲᠠᠭᠠᠵᠤ ᠶᠠᠪᠤᠨᠠ︾ ᠬᠡᠪᠡ᠃ ᠪᠠᠭᠠᠲᠤᠷ ᠴᠠᠭᠠᠨ ᠪᠠᠶᠠᠨ ᠰᠤᠨᠤᠰᠤᠭᠠᠳ ᠴᠡᠬᠡᠵᠢ ᠲᠡᠯᠪᠡᠷᠡᠮᠡ | ᠠᠭᠤᠷᠯᠠᠵᠤ᠄ | ︽ᠡᠨᠡ ᠮᠠᠭᠤ ᠭᠤᠤᠯ ᠢ ᠶᠠᠭᠤᠨ ᠳᠤ ᠲᠡᠲᠦᠢ ᠰᠠᠨᠠᠭᠰᠠᠨ ᠪᠤᠢ︖︾ ᠬᠡᠵᠦ ᠬᠡᠯᠡᠬᠦ ᠳᠤ᠂ ᠮᠡᠷᠬᠡᠯ ᠬᠡᠦᠬᠡᠨ | ᠢᠨᠢᠶᠡᠭᠡᠳ᠄ | ︽ᠡᠨᠡ ᠭᠤᠤᠯ ᠲᠦᠷᠦᠭᠰᠡᠨ ᠨᠤᠲᠤᠭ ᠲᠠᠭᠠᠨ ᠬᠠᠮᠤᠭ ᠠᠴᠠ ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠭᠤᠤᠯ᠂ | ᠲᠦᠷᠦᠭᠰᠡᠨ ᠨᠤᠲᠤᠭ ᠰᠢᠷᠤᠢ ᠠᠴᠠ ᠪᠠᠨ ᠰᠠᠯᠵᠤ ᠶᠠᠳᠠᠬᠤ ᠳᠠᠭᠠᠨ ᠡᠷᠬᠢᠨ ᠲᠤᠭᠤᠷᠢᠨ ᠴᠠᠭᠠᠷᠢᠬᠯᠠᠨ ᠤᠷᠤᠰᠴᠤ | ᠤᠮᠠᠷᠠᠰᠢ ᠤᠳᠬᠤ ᠲᠤᠷᠠ ᠦᠬᠡᠢ ᠪᠠᠶᠢᠨᠠ ᠰᠢᠦ᠃ ᠤᠷᠤᠰᠬᠤ ᠭᠤᠤᠯ ᠪᠠᠶᠢᠲᠠᠯᠠ ᠤᠨᠠᠭᠰᠠᠨ ᠰᠢᠷᠤᠢ ᠳᠠᠭᠠᠨ ᠡᠶᠢᠮᠦ | ᠬᠠᠶᠢᠷᠠᠲᠠᠢ ᠪᠠᠶᠢᠬᠤ ᠳᠤ᠂ ᠬᠦᠮᠦᠨ ᠢ ᠨᠡᠩ ᠦᠬᠦᠯᠡᠬᠦ ᠶᠠᠭᠤᠨ︕︾ ᠬᠡᠰᠡᠨ ᠳᠤ᠂ ᠪᠠᠭᠠᠲᠤᠷ ᠴᠠᠭᠠᠨ ᠪᠠᠶᠠᠨ | ᠲᠤᠤᠭᠠᠷᠬᠤ ᠦᠬᠡ ᠦᠬᠡᠢ ᠪᠤᠯᠤᠭᠠᠳ᠄ ︽ᠪᠤᠯᠤᠨᠠ᠂ ᠪᠤᠯᠤᠨᠠ︾ ᠬᠡᠵᠦ ᠵᠦᠪᠰᠢᠶᠡᠷᠡᠭᠰᠡᠨ ᠬᠡᠨᠡ᠃ ᠲᠡᠭᠡᠭᠡᠳ | ᠪᠠᠭᠠᠲᠤᠷ ᠴᠠᠭᠠᠨ ᠪᠠᠶᠠᠨ ᠪᠢᠯᠳᠠᠤᠴᠢ ᠵᠠᠷᠤᠴᠠ ᠪᠠᠨ ᠲᠠᠭᠠᠭᠤᠯᠤᠨ᠂ ᠮᠡᠷᠭᠡᠯ ᠬᠡᠦᠬᠡᠨ ᠢ ᠮᠤᠷᠢᠨ ᠳᠤ ᠤᠨᠤᠭᠤᠯᠤᠭᠠᠳ | ᠡᠨᠡ ᠭᠤᠤᠯ ᠤᠨ ᠮᠢᠩᠭᠠ ᠲᠦᠮᠡᠨ ᠴᠠᠭᠠᠷᠢᠬᠲᠤ ᠲᠤᠬᠤᠢ ᠶᠢ ᠡᠷᠬᠢᠨ ᠲᠤᠭᠤᠷᠢᠨ ᠭᠡᠳᠦᠨ ᠡᠲᠦᠷ ᠶᠠᠪᠤᠵᠤ ᠲᠡᠮᠡᠢ | ᠬᠤᠯᠠᠳᠴᠤ ᠠᠮᠵᠢᠭᠠᠲᠤᠢ ᠪᠠᠶᠢᠲᠠᠯᠠ ᠠᠯᠤᠰ ᠬᠤᠯᠠ ᠠᠴᠠ ᠰᠢᠷᠠ ᠲᠤᠭᠤᠰᠤ ᠲᠡᠭᠲᠡᠵᠦ᠂ ᠬᠤᠩᠭᠤᠷ ᠨᠦᠬᠦᠷ ᠨᠢ | ᠠᠨᠲᠠ ᠨᠦᠬᠦᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠢᠷᠡᠵᠦ ᠠᠮᠠᠷᠠᠭ ᠬᠡᠦᠬᠡᠨ ᠮᠡᠷᠬᠡᠯ ᠢᠶᠠᠨ ᠪᠤᠯᠢᠶᠠᠨ ᠠᠪᠠᠴᠢᠵᠤ ᠬᠤᠷᠢᠮᠯᠠᠭᠠᠳ | ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠲᠤᠷᠠᠵᠤ ᠭᠡᠨᠡ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠡᠨᠡ ᠭᠤᠤᠯ ᠢ ᠮᠡᠷᠬᠡᠯ ᠭᠤᠤᠯ ᠬᠡᠵᠦ ᠨᠡᠷᠡᠯᠡᠭᠰᠡᠨ | ᠬᠡᠨᠡ᠃ ︽ᠬᠦᠯᠦᠨ ᠪᠤᠶᠢᠷ ᠤᠨ ᠲᠤᠮᠤᠭ︾ ᠠᠴᠠ ︵ᠳᠠᠩᠭᠤᠳ ᠮᠦᠩᠭᠦᠨᠪᠤᠯᠤ ᠶᠢᠨ ᠪᠦᠷᠭᠡ ᠠᠴᠠ︶ |