| ᠪᠡᠴᠢᠨ ᠵᠢᠯ ᠤᠨ ᠵᠤᠳ ᠲᠤ ᠬᠠᠮᠤᠭ ᠠᠮᠢᠳᠠᠨ ᠭᠡᠯᠮᠡᠭᠳᠡᠵᠡᠢ᠃ ᠮᠠᠯ ᠤᠨ ᠲᠤᠭᠤᠷᠠᠢ ᠬᠠᠭᠠ ᠬᠦᠯᠳᠠᠵᠤ | ᠪᠠᠶᠢᠭᠰᠠᠨ ᠲᠠᠷᠡ ᠵᠢᠯ ᠤᠨ ᠬᠠᠪᠤᠷ ᠪᠢ ᠡᠭᠡ ᠶᠢᠨ ᠬᠡᠪᠡᠯᠢ ᠠᠴᠠ ᠮᠨᠨᠳᠤᠯᠠᠵᠠᠢ᠃ ᠬᠦᠮᠦᠨ ᠠᠮᠢᠳᠠᠨ ᠠᠶᠤᠯᠳᠤ | ᠵᠤᠳ ᠲᠤ ᠨᠠᠷᠪᠡᠭᠳᠡᠨ ᠬᠡᠳᠦᠨ ᠮᠢᠩᠭᠠᠨ ᠮᠠᠯ ᠠᠴᠠ ᠪᠠᠨ ᠴᠤ ᠬᠠᠭᠠᠴᠠᠭᠰᠠᠨ ᠶᠤᠮ ᠭᠡᠨᠠ ᠪᠢᠯᠠ᠂ ᠬᠡᠨ ᠮᠡᠳᠡᠬᠦ ᠪᠤᠢ᠃ | ᠲᠡᠷᠡ ᠬᠠᠪᠤᠷ ᠵᠤᠳ ᠲᠠᠢ ᠬᠠᠮᠳᠤ ︽ᠵᠤᠳ ᠪᠤᠯᠵᠤ︾ ᠪᠢ ᠢᠷᠡᠭᠰᠡᠨ ᠪᠤᠯᠬᠤᠷ ᠠᠪᠤ᠂ ᠡᠵᠢ ᠮᠢᠨᠢ ᠨᠠᠮᠠᠶᠢ ︽ | ᠨᠢᠬᠦᠯ︾ ᠠᠪᠴᠢᠷᠠᠭᠰᠠᠨ ᠭᠡᠤᠭᠡᠳ ᠬᠡᠵᠤ ᠱᠤᠭᠤᠪᠳᠤᠷᠯᠠᠨ ᠦᠵᠡᠳᠡᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠶᠠᠭᠠᠭᠢᠭᠠᠳ ᠬᠡᠪᠡᠯ | ᠨᠤᠳᠤᠭ ᠬᠤᠰᠢᠭᠤᠨ ᠳᠠᠭᠠᠨ ᠪᠠᠶᠠᠯᠢᠭ ᠪᠤᠰᠤ ᠴᠤ ᠮᠠᠯ ᠮᠠᠯ ᠤᠨ ᠵᠠᠬᠠ ᠠᠴᠠ ᠪᠦᠬᠦᠳᠡ ᠨᠡᠶᠢᠯᠡᠭᠡᠳ ᠵᠠᠭᠤᠭᠠᠳ | ᠲᠤᠯᠤᠭᠠᠢ ᠮᠠᠯ ᠲᠠᠢ ᠵᠡᠭᠡᠭᠡᠭᠰᠡᠨ ᠠᠮᠢᠳᠤᠷᠠᠯ ᠲᠠᠢ ᠠᠶᠢᠯ ᠪᠠᠶᠢᠭᠰᠠᠨ ᠨᠢ ᠵᠤᠳ ᠢᠶᠠᠷ ᠬᠠᠯᠠᠭᠤᠠ ᠬᠤᠰᠢᠭᠤᠳᠤ ᠭᠡᠳᠦᠨ | ᠮᠠᠯ ᠨᠢ ᠬᠤᠳᠠᠨ ᠳᠤ ᠦᠨᠦᠴᠢᠨ ᠭᠠᠭᠴᠠ ᠢᠰᠢᠭᠡ ᠴᠤ ᠦᠯᠡᠳᠡᠭᠰᠡᠨ ᠦᠬᠡᠢ ᠨᠢᠳᠤ ᠠᠨᠢᠵᠠᠢ᠃ ᠲᠡᠬᠡᠬᠦ ᠪᠠᠷ | ᠬᠤᠳᠠ ᠲᠠᠢ ᠭᠡᠳᠤ ᠶᠢ ᠨᠢ ᠵᠠᠯᠬᠢᠭᠠᠳ ᠤᠷᠤᠨ ᠳᠤᠨᠢ ᠢᠷᠡᠭᠰᠡᠨ ᠮᠠᠭᠤ ᠵᠠᠶᠠᠭᠠᠨ ᠤ ᠭᠡᠤᠭᠡᠳ ᠬᠡᠵᠤ ᠪᠤᠳᠤᠵᠤ | ᠪᠠᠶᠢᠭᠰᠠᠨ ᠪᠢᠵᠠ᠃ | ᠢᠩᠬᠢᠭᠡᠳ ᠡᠵᠢ ᠮᠢᠨᠢ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠷ ᠤᠨᠠᠵᠤ ᠬᠠᠷᠠ ᠴᠠᠢ ᠤᠤᠭᠤᠬᠤ ᠶᠢᠨ ᠵᠤᠪᠠᠯᠠᠩ ᠢ ᠠᠩᠬᠠ | ᠠᠮᠰᠠᠨ᠂ ᠭᠡᠷ ᠲᠡᠭᠡᠨ ᠪᠤᠬᠢᠨᠢᠳᠤᠵᠤ ᠨᠠᠮᠠᠶᠢ ᠵᠤᠳᠠᠩ ᠲᠠᠢ ᠤᠰᠤ ᠪᠠᠷ ᠤᠭᠵᠢᠨ ᠰᠠᠭᠤᠬᠤ ᠳᠠᠭᠠᠨ ᠶᠠᠭᠤ ᠴᠤ ᠬᠡᠵᠤ | ᠪᠤᠳᠤᠵᠤ ᠪᠠᠶᠢᠭᠰᠠᠨ ᠢ ᠬᠡᠨ ᠮᠡᠳᠡᠯᠠ᠃ ᠬᠡᠳᠡᠯᠠ ᠭᠡᠳᠦᠨ ᠬᠡᠤᠭᠡᠳ ᠢᠶᠠᠨ ᠭᠡᠷᠬᠢᠨ ᠲᠡᠵᠢᠬᠡᠬᠦ ᠠᠷᠭᠠ ᠰᠦᠪᠡᠭᠴᠢᠯᠡᠨ᠂ | ᠮᠤᠳᠤ ᠲᠤᠯᠤᠭᠠᠢ ᠪᠠᠨ ᠤᠯᠠᠶᠢᠳᠠᠯᠠ ᠨᠢ ᠲᠠᠮᠠᠬᠢ ᠪᠠᠨ ᠰᠢᠨᠤᠯᠳᠠᠢ ᠰᠤᠷᠤᠵᠤ ᠪᠤᠳᠤᠯ ᠪᠤᠯᠤᠨ ᠰᠠᠭᠤᠭᠰᠠᠨ ᠠᠪᠤ ᠮᠢᠨᠢ | ᠨᠢᠭᠡ ᠡᠳᠦᠷ ᠰᠤᠮᠤᠨ ᠤ ᠲᠦᠪ ᠤᠷᠤᠭᠤ ᠶᠠᠪᠤᠵᠤ ᠠᠮᠢᠳᠠᠨ ᠠᠬᠠ ᠲᠡᠬᠦᠦ ᠲᠠᠢ ᠠᠭᠤᠯᠵᠠᠨ ᠪᠤᠴᠠᠬᠤ ᠵᠠᠮ ᠳᠠᠭᠠᠨ | ᠤᠯᠮᠠ ᠭᠤᠸᠠᠢ ᠶᠢᠨ ᠬᠢᠨ ᠢᠶᠠᠷ ᠲᠠᠭᠠᠷᠢᠵᠤ᠂ ᠬᠡᠳᠦᠨ ᠲᠦᠬᠦᠷᠢᠭ ᠤᠨ ᠢᠶᠠᠨ ᠠᠪᠴᠠᠭᠠ ᠳᠠᠭᠠᠨ ᠰᠡᠬᠦᠯ ᠨᠢ | ᠬᠦᠯᠳᠡᠭᠰᠡᠨ ᠠᠯᠠᠭ ᠵᠢᠰᠦᠮ ᠤᠨ ᠬᠤᠰᠠᠷᠠᠩ ᠦᠨᠢᠶᠠ ᠲᠠᠭᠤᠭᠰᠠᠭᠠᠷ ᠬᠦᠷᠴᠤ ᠢᠷᠡᠵᠠᠢ᠃ | ᠡᠵᠢ ᠪᠠᠶᠠᠷᠯᠠᠵᠤ᠄ | ︽ᠠᠱᠢᠬᠦᠢ ᠳ᠋ᠠ︕ ᠡᠪᠦᠭᠡᠨ ᠮᠢᠨᠢ ᠶᠠᠭᠤᠨ ᠰᠠᠶᠢᠨ ᠶᠤᠮ ᠪᠤᠢ᠂ ᠬᠠᠮᠢᠭᠠ ᠠᠴᠠ ᠠᠪᠤᠪᠠ︖︾ ᠬᠡᠵᠤ | ᠤᠯᠵᠠᠷᠬᠠᠨ ᠭᠠᠭᠴᠠ ᠠᠶᠠᠭᠠ ᠰᠦ ᠲᠠᠢ ᠴᠠᠢ ᠤᠤᠭᠤᠵᠤ᠂ ᠭᠤᠤᠯ ᠢᠶᠠᠨ ᠪᠤᠰᠢᠭᠤᠬᠠᠨ ᠴᠠᠭᠠᠯᠠᠶᠠ ᠭᠡᠮᠡᠨ ᠲᠤᠭᠤᠭᠠ | ᠰᠢᠨᠠᠭᠠ ᠪᠠᠨ ᠤᠴᠠᠷᠠᠭᠤᠯᠤᠨ ᠭᠠᠯ ᠲᠦᠯᠡᠪᠡ᠃ | ᠠᠪᠤ ᠤᠳᠠᠳᠠᠯᠠ ᠴᠢᠮᠡᠭᠡ ᠦᠬᠡᠢ ᠰᠠᠭᠤᠭᠰᠠᠨ ᠢᠶᠠᠨ᠄ | ︽ᠵᠠ ᠬᠦᠭᠰᠢᠨ ᠮᠢᠨᠢ ᠬᠠᠯᠠᠭᠤᠨ ᠬᠤᠰᠢᠭᠤᠳᠤ ᠮᠠᠯ ᠤᠨ ᠪᠤᠶᠠᠨ ᠦᠬᠡᠢ ᠤᠯᠤᠰ ᠤᠳ ᠲᠦᠪ ᠤᠷᠤᠵᠤ | ᠰᠢᠪᠠᠷ ᠪᠠᠷᠠᠭᠠᠳᠠᠬᠤ ᠠᠴᠠ ᠪᠢᠰᠢ᠃ ᠪᠢ ᠬᠤᠷᠰᠢᠶᠠᠨ ᠳᠤ ᠠᠵᠢᠯᠯᠠᠬᠤ ᠪᠠᠷ ᠪᠤᠯᠤᠯᠠ︾ ᠭᠡᠪᠡ᠃ | ︽ᠠᠱᠢᠬᠦᠢ ᠲᠡᠷᠡ ᠨᠢ ᠲᠡᠭᠡᠷᠠ᠃ ᠲᠦᠷᠦᠬᠦᠴᠢ ᠶᠢᠨ ᠭᠡᠤᠭᠡᠳ ᠰᠤᠷᠭᠠᠭᠤᠯᠢ ᠳᠤ ᠴᠤ ᠤᠷᠤᠬᠤ ᠪᠤᠯᠤᠯᠠ︾ | ᠭᠡᠮᠡᠨ ᠬᠠᠷᠢᠯᠴᠠᠨ ᠵᠦᠪᠰᠢᠯᠳᠤᠵᠤ ᠭᠠᠭᠴᠠ ᠦᠨᠢᠶᠠ ᠪᠠᠨ ᠲᠠᠭᠤᠭᠰᠠᠭᠠᠷ ᠰᠤᠮᠤᠨ ᠤ ᠲᠦᠪ ᠪᠠᠷᠠᠳᠠᠭᠰᠠᠭᠠᠷ ᠮᠠᠨᠠᠶᠢᠬᠢ | ᠲᠦᠪ ᠤᠨ ᠠᠶᠢᠯ ᠪᠤᠯᠤᠯᠠ᠃ | ᠠᠪᠤ ᠮᠠᠨᠠᠭᠠᠴᠢ ᠬᠢᠵᠤ᠂ ᠠᠪᠤᠭᠰᠠᠨ ᠭᠡᠳᠤ ᠪᠠᠷ ᠢᠶᠠᠨ ᠪᠢᠳᠠᠨ ᠢ ᠲᠡᠵᠢᠭᠡᠨᠠ᠃ ᠲᠤᠮᠤ ᠠᠬᠠ ᠨᠠᠮᠤᠷ ᠨᠢ | ᠰᠤᠷᠭᠠᠭᠤᠯᠢ ᠳᠤ ᠤᠷᠤᠪᠠ᠃ ᠡᠵᠢ ᠭᠠᠭᠴᠠ ᠦᠨᠢᠶᠡᠨ ᠤ ᠪᠠᠨ ᠲᠡᠯᠡᠩ ᠢ ᠰᠢᠪᠳᠤᠷᠴᠤ ᠴᠠᠢ ᠶᠢᠨ ᠰᠦ᠂ ᠠᠶᠠᠭᠠ | ᠲᠠᠷᠠᠭ ᠢᠰᠭᠡᠨ ᠪᠢᠳᠠ ᠬᠡᠳᠦ ᠶᠢᠨ ᠢᠶᠠᠨ ᠬᠤᠭᠤᠯᠠ ᠤᠮᠳᠠ ᠶᠢ ᠪᠠᠵᠠᠭᠠᠨ ᠪᠤᠷᠪᠢ ᠨᠤᠭᠤᠷᠠᠯ ᠦᠬᠡᠢ ᠬᠦᠳᠡᠯᠦᠨᠠ᠃ | ᠠᠯᠠᠭ ᠦᠨᠢᠶᠠ ᠮᠢᠨᠢ ᠰᠦ ᠶᠡᠭᠡ ᠲᠠᠢ ᠪᠤᠯᠬᠤᠷ ᠡᠵᠢ ᠬᠠᠶᠢᠷᠠᠳᠠᠢ ᠬᠡᠵᠤ ᠵᠢᠭᠳᠡᠶᠢᠭᠡᠨ᠃ ᠬᠤᠭᠤᠷᠬᠠᠢ ᠰᠡᠬᠦᠯ ᠲᠠᠢ | ᠪᠤᠯᠬᠤᠷ ︽ᠮᠤᠭᠵᠤᠭᠤ︾ ᠬᠡᠵᠤ ᠨᠠᠷᠡᠯᠡᠪᠡ᠃ | ᠡᠵᠢ ᠮᠤᠭᠵᠤᠭᠤ ᠶᠢ ᠪᠡᠯᠴᠢᠭᠡᠷ ᠲᠤ ᠶᠠᠪᠤᠪᠠᠴᠤ ᠲᠠᠭᠠᠵᠤ᠂ ᠤᠷᠤᠢ ᠬᠤᠳᠠᠯᠠᠪᠠᠴᠤ ᠲᠠᠭᠠᠵᠤ᠂ ᠪᠢᠳᠡᠨ ᠠᠴᠠ | ᠦᠭᠡᠷᠠ ᠴᠤ ᠦᠬᠡᠢ ᠠᠷᠠᠴᠢᠯᠠᠨᠠ᠃ ᠬᠤᠶᠢᠳᠤᠨ ᠵᠢᠯ ᠨᠢ ᠮᠤᠭᠵᠤᠭᠤ ᠲᠤᠭᠤᠯᠯᠠᠵᠤ ᠪᠦᠬᠡᠮ ᠪᠠᠶᠠᠷ ᠪᠤᠯᠤᠯᠠ᠃ ᠠᠪᠤ | ᠮᠤᠭᠵᠤᠭᠤ ᠳᠤ ᠲᠤᠭᠤᠯ ᠲᠠᠢ ᠲᠤᠰᠬᠠᠢ ᠰᠠᠷᠠᠪᠴᠢ ᠪᠠᠷᠢᠵᠤ ᠦᠭᠴᠠᠢ᠃ ᠠᠬᠠ ᠬᠢᠴᠢᠶᠠᠯ ᠠᠴᠠ ᠪᠠᠨ ᠢᠷᠡᠭᠡᠳ | ᠮᠤᠭᠵᠤᠭᠤ ᠶᠢᠨ ᠰᠠᠷᠠᠪᠴᠢ ᠶᠢ ᠴᠡᠪᠡᠷᠯᠡᠬᠦ᠂ ᠪᠠᠭᠠᠰᠤ ᠶᠢ ᠨᠢ ᠬᠠᠳᠠᠭᠠᠬᠤ ᠬᠡᠳ ᠪᠠᠰᠠ ᠨᠢᠭᠡ ᠠᠵᠢᠯ ᠲᠠᠢ ᠪᠤᠯᠪᠠ᠃ | ᠤᠯᠠᠨ ᠵᠢᠯ ᠦᠩᠭᠡᠷᠡᠯᠠ᠃ ᠪᠢ ᠨᠠᠶᠢᠮᠠᠨ ᠨᠠᠰᠤ ᠬᠦᠷᠴᠤ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠪᠠ᠃ ᠮᠤᠭᠵᠤᠭᠤ ᠶᠢᠨ | ᠪᠠᠶᠢᠷᠢ ᠤᠯᠠᠮ ᠲᠡᠯᠡᠵᠤ ᠲᠤᠭᠤᠯ ᠤᠨ ᠪᠠᠶᠢᠷᠢ᠂ ᠡᠪᠡᠰᠤᠨ ᠤ ᠰᠠᠷᠠᠪᠴᠢ ᠬᠡᠳ ᠵᠦᠩᠳᠡᠭᠡᠨ ᠶᠠᠭᠤᠮᠠ ᠨᠡᠮᠡᠭᠳᠡᠪᠡ᠃ | ᠶᠠᠭᠠᠬᠢᠭᠠᠳ ᠬᠡᠪᠡᠯ ᠮᠤᠭᠵᠤᠭᠤ ᠶᠢᠨ ᠦᠷᠠ ᠲᠦᠯ ᠦᠷᠡᠵᠢᠭᠰᠡᠭᠡᠷ ᠮᠠᠨᠠᠶᠢᠬᠢ ᠠᠷᠪᠠ ᠭᠠᠷᠤᠢ ᠦᠬᠡᠷ ᠲᠠᠢ ᠪᠤᠯᠪᠠ᠃ | ᠠᠬᠠ ᠨᠠᠶᠢᠮᠠᠳᠤᠭᠠᠷ ᠠᠩᠬᠢ ᠲᠡᠬᠦᠰᠭᠡᠭᠡᠳ ᠬᠤᠳᠠ ᠤᠷᠤᠭᠤ ᠲᠧᠭᠨᠢᠺᠦ᠋ᠮ ᠳᠤ ᠶᠠᠪᠤᠯᠠ᠃ ᠦᠭᠡᠷ ᠤᠨ ᠬᠠᠰᠢᠶᠠ | ᠰᠠᠷᠠᠪᠴᠢ ᠴᠡᠪᠡᠷᠯᠡᠬᠦ᠂ ᠲᠤᠭᠤᠯ ᠢᠶᠠᠨ ᠬᠠᠷᠢᠭᠤᠯᠬᠤ ᠭᠡᠳ ᠠᠬᠠ ᠶᠢᠨ ᠬᠢᠳᠡᠭ ᠠᠵᠢᠯ ᠨᠠᠳᠠ ᠨᠤᠭᠳᠠᠪᠠ᠃ | ᠢᠩᠬᠢᠬᠡᠳ ᠯᠠ ᠪᠢ ᠦᠬᠡᠷᠴᠢᠨ ᠪᠤᠯᠤᠯᠠ᠃ | ᠤᠯᠠᠨ ᠵᠢᠯ ᠦᠩᠭᠡᠷᠡᠭᠰᠡᠭᠡᠷ ᠁ | ᠠᠬᠠ ᠪᠢᠳᠠ ᠬᠤᠶᠠᠷ ᠠᠪᠤ ᠶᠢᠨ ᠢᠶᠠᠨ ᠵᠢᠷᠠᠨ ᠨᠠᠰᠤᠨ ᠤ ᠤᠢ ᠶᠢ ᠲᠡᠮᠳᠡᠭᠯᠡᠬᠦ ᠪᠠᠷ ᠲᠤᠪᠯᠠᠭᠰᠠᠨ ᠴᠠᠭ ᠲᠤ | ᠨᠤᠳᠤᠭ ᠲᠠᠭᠠᠨ ᠤᠴᠢᠪᠠ᠃ ᠠᠪᠤ ᠮᠢᠨᠢ ᠬᠠᠶᠠ ᠡᠮᠦᠰᠳᠡᠭ ᠬᠦᠭᠡ ᠲᠤᠷᠭᠠᠨ ᠲᠡᠪᠡᠯ ᠢᠶᠠᠨ ᠡᠮᠦᠰᠦᠭᠡᠳ ᠭᠡᠷ ᠤᠨ | ᠬᠤᠶᠢᠮᠦᠷ ᠲᠤ ᠪᠠᠶᠠᠷ ᠤᠨ ᠮᠦᠰᠢᠶᠠᠯ ᠲᠦᠬᠦᠷᠡᠩ ᠰᠠᠭᠤᠨᠠ᠃ ᠡᠪᠦᠷ ᠲᠡᠭᠡᠷᠠ ᠨᠢ ᠠᠴᠢ ᠦᠬᠢᠨ ᠡᠷᠬᠡᠯᠡᠨ | ᠨᠠᠭᠠᠳᠤᠨᠠ᠃ ᠡᠩᠭᠡᠷ ᠲᠤᠨᠢ ᠠᠯᠳᠠᠨ ᠭᠠᠳᠠᠰᠤ ᠤᠳᠤᠨ᠂ ᠪᠠᠰᠠ ᠤᠯᠠᠨ ᠮᠧᠳᠡᠯ᠂ ᠬᠤᠳᠠᠯᠳᠤᠭᠠᠨ ᠤ ᠲᠡᠷᠢᠬᠦᠨ ᠤ | ᠠᠵᠢᠯᠴᠢᠨ ᠤ ᠲᠡᠮᠳᠡᠭ ᠵᠡᠬᠦᠯᠳᠡᠳᠡᠢ ᠪᠠᠶᠢᠨᠠ᠃ | ︽ᠤᠯᠤᠰ ᠲᠤ ᠠᠵᠢᠯᠯᠠᠬᠤ ᠰᠠᠶᠢᠬᠠᠨ ᠶᠤᠮ ᠡ᠃ ᠪᠡᠴᠢᠨ ᠵᠢᠯ ᠤᠨ ᠵᠤᠳ ᠢᠶᠠᠷ ᠡᠨᠡ ᠬᠦᠦ ᠮᠢᠨᠢ ᠲᠦᠷᠦᠵᠤ | ᠪᠠᠶᠢᠭᠰᠠᠨ ᠶᠤᠮ ᠳ᠋ᠠᠭ︾ ᠭᠡᠳ ᠴᠤᠭᠯᠠᠷᠠᠭᠰᠠᠨ ᠤᠯᠠᠨ ᠳᠤ ᠨᠠᠮᠠᠶᠢ ᠵᠢᠭᠠᠨ᠄ | ︽ᠬᠦᠦ ᠮᠢᠨᠢ ᠬᠦᠮᠦᠰ ᠲᠤ ᠠᠶᠢᠷᠠᠭ ᠠᠴᠠ ᠪᠠᠨ ᠠᠶᠠᠭᠠᠯᠠ︕︾ ᠬᠡᠪᠡ᠃ | ᠪᠢ ᠪᠤᠰᠴᠤ᠄ | ︽ᠵᠠ᠂ ᠠᠪᠤ ᠡ᠂ ᠤᠳᠤᠬᠠᠨ︕︾ ᠬᠡᠪᠡ᠃ | ᠠᠪᠤ ᠶᠠᠷᠢᠶᠠ ᠪᠠᠨ ᠦᠷᠬᠦᠯᠵᠢᠯᠡᠬᠦᠯᠪᠡ᠃ | ︽᠁ ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠬᠤᠷᠢ ᠭᠠᠷᠤᠢ ᠵᠢᠯ ᠦᠩᠭᠡᠷᠡᠴᠢᠭᠡᠯᠠ᠃ ᠲᠤᠮᠤ ᠬᠦᠦ ᠮᠢᠨᠢ ᠬᠦᠮᠦᠨ ᠤ | ᠶᠡᠭᠡ ᠡᠮᠴᠢ᠃ ᠡᠨᠡ ᠬᠦᠦ ᠮᠢᠨᠢ ᠡᠳ᠋ ᠤᠨ ᠵᠠᠰᠠᠭᠴᠢ᠃ ᠵᠠ ᠲᠡᠭᠡᠭᠡᠳ ᠪᠤᠰᠤᠳ ᠨᠢ ᠨᠤᠳᠤᠭ ᠲᠠᠭᠠᠨ᠂ ᠲᠠᠨᠠᠷ ᠶᠠᠭᠤ | ᠡᠰᠡ ᠠᠨᠳᠠᠬᠤ ᠪᠤᠢ︖ ᠬᠦᠭᠰᠢᠨ ᠮᠢᠨᠢ ᠶᠠᠭᠠᠭᠢᠬᠤᠪ᠂ ᠡᠨᠡ ᠭᠡᠷ ᠤᠨ ᠵᠢᠰᠠ ᠶᠢᠨ ᠲᠤᠮᠤ ᠨᠢᠷᠪᠠ ᠁ ᠲᠤᠮᠤ | ᠬᠦᠮᠦᠨ ᠰᠢᠤ︕︾ ᠬᠡᠳ ᠢᠨᠢᠶᠡᠪᠡ᠃ ᠭᠡᠷ ᠲᠦᠭᠦᠷᠡᠩ ᠢᠨᠢᠶᠡᠳᠤ ᠬᠦᠷ ᠪᠤᠯᠵᠠᠭᠠᠪᠠ᠃ | ᠡᠵᠢ ᠮᠢᠨᠢ ᠲᠡᠨᠳᠠ ᠠᠴᠠ᠄ | ︽ᠡᠪᠦᠭᠡᠨ ᠲᠠ ᠬᠠᠳᠤᠤᠷᠠᠭᠠᠳ ᠰᠠᠭᠤᠬᠤ ᠪᠠᠷ ᠨᠠᠭᠠᠳᠤᠭᠢ ᠬᠦᠮᠦᠰ ᠢᠶᠠᠨ ᠢᠳᠡᠬᠦᠯᠵᠤ ᠤᠤᠭᠤᠯᠭᠠᠴᠢ︕︾ | ᠭᠡᠨᠠ᠃ | ︽ᠵᠠ ᠲᠠᠷᠡ᠂ ᠢᠩᠬᠢᠭᠡᠳ ᠲᠤᠰᠢᠶᠠᠯ ᠪᠠᠭᠤᠯᠭᠠᠳᠠᠭ ᠬᠦᠮᠦᠨ ᠰᠢᠤ᠃ ᠠᠯᠢ ᠪᠤᠢ᠂ ᠭᠡᠤᠭᠡᠳ ᠤᠳ ᠮᠢᠨᠢ | ᠢᠳᠡᠵᠤ ᠤᠤᠭᠤᠭᠠᠴᠢ︕︾ ᠭᠡᠪᠡ᠃ | ᠡᠵᠢ ᠲᠡᠨᠳᠡ ᠠᠴᠠ ᠮᠦᠩᠬᠦᠯᠡᠭᠰᠡᠨ ᠬᠤᠶᠠᠷ ᠡᠪᠡᠷ ᠲᠤ ᠰᠦ ᠲᠦᠬᠦᠷᠭᠡᠵᠤ ᠬᠦᠮᠦᠰ ᠲᠤ ᠦᠭᠬᠦᠭᠡᠳ | ᠬᠤᠶᠢᠮᠤᠷ ᠠᠴᠠ ᠡᠬᠢᠯᠡᠨ ᠭᠡᠷ ᠤᠨ ᠬᠤᠶᠠᠷ ᠲᠠᠯᠠ ᠪᠠᠷ ᠲᠤᠷᠤᠭᠰᠢ ᠶᠠᠪᠤᠭᠤᠯᠪᠠ᠃ | ︽ᠭᠡᠤᠭᠡᠳ ᠤᠳ ᠮᠢᠨᠢ ᠠᠮᠰᠠᠵᠠᠭᠠ︕ ᠡᠨᠡ ᠪᠤᠯ ᠡᠭᠡᠴᠢ ᠶᠢᠨ ᠴᠢᠨᠢ ᠪᠡᠯᠡᠭ ᠲᠡᠮᠪᠡᠷᠢᠯ ᠤᠨ ᠬᠤᠨᠳᠠᠭᠠ | ᠪᠤᠯᠤᠭ︕ ᠮᠢᠨᠤ ᠬᠠᠮᠤᠭ ᠬᠠᠶᠢᠷᠠᠳᠠᠢ ᠮᠤᠭᠵᠤᠭᠤ ᠶᠢᠨ ᠬᠤᠶᠠᠷ ᠡᠪᠡᠷ ᠶᠤᠮ᠃ ᠡᠳᠡ ᠴᠦᠮ ᠢᠶᠠᠷ ᠢᠶᠠᠨ | ᠮᠤᠭᠵᠤᠭᠤ ᠶᠢᠨ ᠦᠷᠠ ᠲᠦᠯ ︵ᠲᠡᠷᠡ ᠡᠮᠦᠨᠠ ᠪᠡᠯᠴᠢᠵᠤ ᠶᠠᠪᠤᠭᠠ ᠦᠭᠡᠷ ᠰᠦᠷᠦᠭ ᠢ ᠵᠢᠭᠠᠵᠤ︶ ᠪᠠᠶᠢᠭᠠ ᠶᠤᠮ | ᠳ᠋ᠠ᠃ ᠮᠠᠨᠠᠶᠢᠬᠢ ᠡᠳᠦᠢ ᠵᠡᠭᠡᠭᠡᠭᠰᠡᠨ ᠠᠶᠢᠯ ᠶᠠᠪᠤᠭᠠ ᠮᠢᠨᠢ ᠴᠤ ᠡᠨᠡ ᠮᠠᠯ ᠤᠨ ᠪᠤᠶᠠᠨ ᠰᠢᠤ᠂ ᠬᠦᠭᠡᠷᠤᠬᠦᠢ︕ | ᠮᠤᠭᠵᠤᠭᠤ ᠶᠢᠨ ᠰᠦ ᠶᠢ ᠡᠨᠡ ᠬᠡᠳᠦᠨ ᠭᠡᠤᠭᠡᠳ ᠤᠤᠭᠤᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ ᠪᠢ ᠦᠨᠦᠳᠦᠷ ᠮᠤᠭᠵᠤᠭᠤ ᠪᠠᠨ | ᠲᠤᠷᠠᠰᠬᠠᠵᠤ ᠪᠠᠶᠢᠨᠠ︾ ᠭᠡᠳ ᠰᠦ ᠰᠢᠭ ᠰᠡᠳᠬᠢᠯ ᠲᠠᠢ ᠮᠢᠨᠤ ᠰᠠᠶᠢᠬᠠᠨ ᠡᠵᠢ ᠦᠷᠠ ᠠᠴᠢ ᠨᠠᠷ ᠲᠠᠭᠠᠨ ᠰᠦ | ᠦᠭᠴᠤ ᠪᠠᠶᠢᠯᠠ᠃ | ᠡᠪᠡᠷ ᠬᠤᠨᠳᠠᠭᠠ ᠲᠠᠢ ᠰᠦ ᠶᠢ ᠪᠢ ᠬᠤᠶᠠᠷ ᠭᠠᠷᠳᠠᠨ ᠪᠠᠷᠢᠵᠤ ᠠᠮᠰᠠᠪᠠᠯ ᠮᠠᠯ ᠳᠤ ᠬᠡᠵᠢᠶᠡᠨᠠᠢ ᠠᠴᠠ | ᠬᠠᠶᠢᠷᠠᠳᠠᠢ ᠮᠤᠩᠭᠤᠯ ᠬᠦᠮᠦᠨ ᠤ ᠰᠡᠳᠬᠢᠯ ᠲᠡᠷᠡ ᠰᠦ ᠳᠤ ᠰᠢᠩᠭᠡᠭᠰᠡᠨ ᠢ ᠰᠠᠶᠢ ᠮᠡᠳᠡᠷᠡᠪᠡ᠃ | ᠵᠣᠬᠢᠶᠠᠭᠴᠢ᠄ ︵ᠮᠤᠩᠭᠤᠯ ᠤᠯᠤᠰ︶ ᠵ᠊ · ᠲᠤᠭᠠᠷᠵᠠᠪ | | | | | | | | | | | | ᠁ |