| ᠲᠡᠭᠷᠢ ᠶᠢᠨ ᠬᠦᠬᠡ ᠰᠢᠪᠠᠭᠤ ᠮᠠᠨ ᠤ ᠨᠤᠳᠤᠭ ᠤᠨ ᠨᠤᠮᠤᠬᠠᠨ ᠲᠠᠯᠠ ᠪᠠᠷ ᠲᠤᠩᠭᠤᠯᠵᠠᠵᠤ᠂ ᠵᠤᠭᠳᠤᠷ ᠶᠤᠭᠠᠨ | ᠲᠡᠪᠢᠰᠦᠨ ᠪᠦᠬᠦᠯᠵᠡᠵᠦ᠂ ᠴᠠᠮ ᠬᠠᠷᠠᠶᠢᠨ ᠵᠢᠷᠭᠠᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠬᠤᠶᠠ ᠲᠡᠷᠡ ᠵᠢᠯ ᠤᠨ ᠨᠠᠷᠠ ᠬᠤᠷᠠ | ᠲᠡᠭᠰᠢᠷᠠᠵᠤ᠂ ᠨᠠᠪᠴᠢ ᠨᠤᠭᠤᠭᠠ ᠵᠢᠭᠳᠡᠷᠡᠬᠦ ᠵᠤᠨ ᠤ ᠦᠩᠭᠡ ᠶᠢ ᠲᠠᠨᠢᠳᠠᠭ ᠭᠡᠵᠦ ᠶᠠᠷᠢᠯᠴᠠᠬᠤ ᠨᠢ ᠤᠷᠤ ᠦᠭᠡᠢ ᠴᠤ | ᠦᠭᠡ ᠪᠢᠰᠢ ᠡ᠃ | ᠬᠦᠭᠡᠷᠦᠬᠦ᠋ᠢᠰ᠂ ᠤᠷᠢ ᠲᠠᠭᠠᠭᠤᠯᠵᠤ ᠢᠷᠡᠳᠡᠭ ᠴᠠᠩ ᠲᠤᠭᠤᠷᠤᠤ ᠬᠡᠮᠡᠬᠦ ᠲᠡᠭᠷᠢ ᠶᠢᠨ ᠬᠦᠬᠡ ᠰᠢᠪᠠᠭᠤᠳ | ᠠᠭᠤᠯᠠᠰ᠂ ᠡᠭᠦᠯᠡᠰ ᠤᠨ ᠲᠤᠮᠳᠠᠭᠤᠷ ᠰᠠᠯᠬᠢ ᠰᠢᠭᠤᠷᠭᠠ᠂ ᠴᠠᠰᠤ ᠰᠢᠮᠠᠷᠭᠠ ᠠᠯᠢ ᠪᠦᠬᠦᠨ ᠢ ᠭᠠᠯ ᠡᠯᠢᠭᠡ ᠪᠠᠷ ᠢᠶᠠᠨ | ᠵᠦᠰᠦᠨ ᠵᠢᠭᠦᠷ ᠶᠦᠭᠡᠨ ᠴᠤᠴᠠᠭᠠᠵᠤ ᠭᠠᠩᠭᠠᠨᠠᠨ ᠭᠠᠩᠭᠠᠨᠠᠯᠳᠤᠭᠰᠠᠭᠠᠷ ᠢᠷᠡᠬᠦ ᠭᠡᠳᠡᠭ ᠬᠠᠷᠠᠵᠤ ᠬᠠᠨᠤᠰᠢ ᠦᠭᠡᠢ | ᠭᠠᠶᠢᠬᠠᠮᠰᠢᠭ᠃ ᠠᠭᠤᠯᠠᠰ᠂ ᠡᠭᠦᠯᠡᠰ ᠢ ᠲᠠᠯᠢ ᠵᠢᠭᠦᠷ ᠢᠶᠠᠷ ᠢᠶᠠᠨ ᠲᠠᠯᠠᠯᠤᠨ ᠰᠠᠪᠠᠵᠤ᠂ ᠬᠤᠨᠢ ᠬᠤᠷᠠᠭᠠ ᠮᠡᠳᠦ ᠲᠠᠭᠤ | ᠲᠠᠭᠤ ᠪᠠᠨ ᠠᠪᠤᠯᠴᠠᠨ ᠭᠠᠩᠭᠠᠨᠠᠯᠳᠤᠵᠤ᠂ ᠨᠤᠳᠤᠭ ᠲᠠᠭᠠᠨ ᠤᠤᠯ ᠠᠯᠳᠠᠢ ᠳᠠᠭᠠᠨ ᠢᠷᠡᠭᠰᠡᠨ ᠤ ᠪᠠᠶᠠᠷ ᠢ | ᠪᠢᠳᠡᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠨᠠ᠃ ᠨᠠᠰᠤᠨ ᠪᠤᠭᠤᠷᠤᠯ ᠤᠳ ᠨᠤᠳᠤᠭ ᠤᠨ ᠢᠶᠠᠨ ᠲᠤᠭᠤᠷᠤᠤ ᠶᠢ ᠲᠤᠭᠠ | ᠵᠢᠰᠦ ᠪᠠᠷ ᠨᠢ ᠠᠨᠳᠤᠬᠤ ᠦᠭᠡᠢ᠃ ︽ᠠᠢ ᠳ᠋ᠠ᠂ ᠢᠷᠭᠤᠢ ᠰᠢᠭ᠋ ᠯᠡ ᠴᠡᠩᠬᠡᠷᠳᠦᠵᠦ ᠪᠠᠶᠢᠨᠠ ᠳ᠋ᠠ᠃ ᠦᠩᠭᠡᠳᠡᠢ | ᠪᠠᠶᠢᠨᠠ ᠡ᠂ ᠡᠴᠡᠵᠦ ᠴᠤᠴᠠᠭᠠ ᠦᠭᠡᠢ ᠪᠠᠶᠢᠨᠡ᠃ ᠬᠡᠳᠦᠨ ᠲᠠᠯᠠᠢ ᠶᠢ ᠭᠠᠳᠤᠯᠵᠤ ᠢᠷᠡᠭᠰᠡᠨ ᠭᠡᠬᠦ ᠳᠤ | ᠬᠡᠪ ᠢᠶᠠᠷ ᠢᠶᠠᠨ︾ ᠭᠡᠯᠴᠡᠨ ᠲᠤᠷᠠᠨᠳᠠᠵᠤ ᠰᠠᠭᠤᠨᠠ᠃ ᠠᠳᠤᠭᠤ ᠮᠠᠯ ᠢᠶᠠᠨ ᠲᠠᠨᠢᠵᠤ ᠵᠢᠰᠦᠯᠡᠭᠰᠡᠨ ᠰᠢᠭ ᠢᠶᠠᠨ | ᠨᠤᠳᠤᠭ ᠤᠨ ᠢᠶᠠᠨ ᠵᠢᠬᠦᠷᠳᠡᠨ ᠢ ᠵᠢᠰᠦᠯᠡᠵᠦ ᠨᠡᠷᠡᠯᠡᠭᠰᠡᠨ ᠡᠪᠦᠭᠡᠳ ᠮᠢᠨᠢ ᠤᠬᠠᠭᠠᠨ ᠤ ᠪᠤᠷᠬᠠᠳ ᠭᠡᠯᠳᠡᠢ᠃ ᠲᠡᠷᠡ | ᠵᠢᠯ ᠮᠠᠨ ᠤ ᠪᠤᠮᠪᠠᠳᠤ ᠶᠢᠨ ᠵᠤᠨᠰᠢᠯᠠᠭᠠ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ ᠢ ᠬᠡᠯᠡᠬᠦ ᠤᠤ᠃ ᠲᠤᠭᠤᠷᠤᠤ ᠡᠯᠪᠡᠭ ᠢ ᠴᠤ ᠶᠠᠭᠠᠬᠢᠬᠤ | ᠪᠤᠢ᠃ ᠴᠤᠬᠤᠮ ᠳᠠᠭᠠᠨ ᠯᠠ ᠠᠮᠢᠳᠤ ᠵᠢᠷᠤᠭ ᠭᠡᠯᠳᠡᠢ ᠦᠩᠭᠡ ᠬᠤᠤᠰᠯᠠᠵᠤ ᠬᠤᠨᠢ᠂ ᠲᠤᠭᠤᠷᠤᠤ ᠬᠤᠶᠠᠷ ᠬᠠᠮᠳᠤ | ᠬᠤᠳᠠᠯᠠᠬᠤ ᠨᠢ ᠬᠤᠯᠠ ᠦᠭᠡᠢ ᠨᠡᠯᠡᠶᠢᠵᠦ ᠪᠠᠶᠢᠯᠠ᠃ ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠮᠦᠨᠦᠬᠢ ᠤᠯᠠᠨ ᠲᠤᠭᠤᠷᠤᠤ | ᠲᠡᠭᠳᠡᠭᠡᠭᠡᠢ ᠪᠠᠨ ᠲᠠᠭᠠᠭᠤᠯᠤᠨ ᠮᠦᠷᠬᠦᠵᠦ ᠰᠦᠬᠦᠷᠡᠵᠦ ᠶᠠᠪᠤᠬᠤ ᠪᠤᠯᠪᠠ᠃ ︽ᠬᠦᠭᠡᠷᠦᠬᠦ᠋ᠢᠰ᠂ ᠮᠦᠨ ᠴᠤ ᠦᠰᠴᠦ | ᠦᠷᠡᠵᠢᠵᠦ ᠪᠠᠶᠢᠨᠠ ᠳ᠋ᠠ︾ ᠭᠡᠵᠦ ᠬᠦᠮᠦᠰ ᠠᠮᠠ ᠠᠮᠠᠨ ᠳᠠᠭᠠᠨ ᠪᠡᠯᠭᠡᠰᠢᠶᠡᠵᠦ ᠵᠤᠨ ᠤ ᠰᠠᠶᠢᠬᠠᠨ ᠢ ᠡᠨᠡ ᠬᠡᠳᠦᠨ | ᠲᠤᠭᠤᠷᠤᠤ ᠯᠠ ᠭᠠᠵᠠᠷ ᠤᠨ ᠬᠤᠯᠠ ᠠᠴᠠ ᠠᠪᠴᠤ ᠢᠷᠡᠭᠰᠡᠨ ᠶᠤᠮ ᠰᠢᠭ᠋ ᠪᠠᠶᠠᠰᠤᠨ ᠨᠢᠭᠡᠨ ᠵᠤᠨ ᠢ ᠦᠳᠡᠪᠡ ᠡ᠃ | ᠨᠠᠷᠠ ᠪᠤᠴᠠᠵᠤ᠂ ᠡᠪᠡᠰᠦᠨ ᠤ ᠰᠠᠭᠠᠳᠠᠭ ᠲᠤ ᠬᠢᠷᠠᠭᠤ ᠮᠦᠩᠭᠦᠷᠡᠨ᠂ ᠠᠶᠢᠯ ᠬᠤᠳᠠᠯᠠ ᠨᠠᠮᠤᠷᠵᠢᠶᠠ ᠪᠠᠨ ᠪᠠᠷᠠᠳᠠᠬᠤ | ᠪᠤᠯᠤᠯᠠ᠃ ᠲᠠᠯᠠ ᠳᠤ ᠦᠳᠦᠯᠡᠭᠰᠡᠨ ᠲᠡᠭᠳᠡᠭᠡᠭᠡᠢ ᠨᠡᠭᠦᠳᠡᠯ ᠰᠠᠭᠤᠳᠠᠯ ᠭᠡᠭᠴᠢ ᠶᠢ ᠮᠡᠳᠡᠬᠦ ᠦᠭᠡᠢ ᠨᠢᠯᠬᠠ ᠪᠠᠯᠴᠢᠷ | ᠵᠠᠩ ᠢᠶᠠᠷ ᠢᠶᠠᠨ ᠡᠭᠡ ᠶᠢᠨ ᠢᠶᠠᠨ ᠨᠦᠮᠦᠷᠢ ᠪᠠᠷᠠᠳᠠᠨ ᠲᠡᠭᠳᠡᠵᠦ ᠪᠠᠭᠤᠨᠠ᠃ ᠤᠷᠴᠢᠯᠠᠩ ᠠᠭᠤᠵᠢᠮ᠂ ᠠᠮᠢᠳᠤᠷᠠᠯ | ᠬᠠᠳᠠᠭᠤ ᠭᠡᠳᠡᠭ ᠢ ᠡᠨᠡ ᠮᠡᠳᠦ ᠠᠮᠢᠳᠠᠰ ᠶᠠᠭᠠᠬᠢᠨ ᠮᠡᠳᠡᠬᠦ ᠪᠢᠯᠡ ᠳ᠋ᠡ᠃ | ᠨᠠᠷᠠ ᠲᠠᠭᠠᠭᠤᠯᠤᠨ ᠢᠷᠡᠵᠦ᠂ ᠨᠠᠷᠠ ᠲᠠᠭᠠᠭᠤᠯᠤᠭᠠᠳ ᠪᠤᠴᠠᠳᠠᠭ ᠲᠡᠭᠷᠢ ᠶᠢᠨ ᠰᠢᠪᠠᠭᠤᠳ ᠲᠠᠯᠠ ᠳᠠᠭᠠᠨ | ᠨᠤᠳᠤᠭ ᠲᠠᠭᠠᠨ ᠬᠤᠷᠭᠤᠳᠠᠬᠤ ᠭᠡᠭᠴᠢ᠂ ᠢᠵᠢᠯ ᠲᠠᠰᠤᠯ ᠪᠤᠯᠤᠭᠰᠠᠨ ᠠᠶᠢᠯ ᠤᠳ ᠤᠨ ᠨᠡᠭᠦᠳᠡᠯ ᠳᠤ ᠪᠠᠰᠠ ᠯᠡ | ᠴᠢᠳᠤᠷ ᠪᠤᠯᠤᠨᠠ᠃ ︽ᠲᠤᠭᠤᠷᠤᠤ ᠪᠤᠴᠠᠬᠤ ᠦᠭᠡᠢ ᠬᠤᠷᠭᠤᠳᠠᠭᠠᠳ ᠪᠠᠶᠢᠬᠤ ᠳᠤ ᠪᠢᠳᠡ ᠴᠢᠨᠢ ᠡᠳᠡᠨ ᠰᠢᠭ ᠶᠠᠮᠠᠷ | ᠲᠠᠯᠠᠢ ᠭᠠᠳᠤᠯᠬᠤ ᠭᠡᠵᠦ ᠪᠠᠶᠢᠭᠠ ᠪᠢᠰᠢ᠂ ᠬᠡᠳᠦ ᠬᠤᠨᠤᠭ ᠬᠠᠷᠠᠵᠠᠨᠠᠶᠠ ᠳ᠋ᠠ︾ ᠭᠡᠯᠴᠡᠨ ᠰᠠᠭᠤᠬᠤ ᠨᠢ ᠮᠤᠩᠭᠤᠯ | ᠵᠠᠩ ᠶᠤᠮ ᠳ᠋ᠠ᠃ | ᠮᠠᠨ ᠤ ᠬᠢᠨ ᠪᠤᠮᠪᠠᠳᠤ ᠶᠢᠨ ᠢᠶᠠᠨ ᠵᠤᠰᠠᠯᠠᠩ ᠳᠤ ᠰᠢᠪᠠᠭᠤᠳ ᠤᠨ ᠡᠷᠭᠡ ᠪᠠᠷ ᠬᠤᠷᠭᠤᠳᠠᠵᠤ᠂ ᠰᠦ ᠰᠠᠭᠠᠯᠢ ᠨᠢ | ᠲᠠᠳᠠᠷᠠᠭᠰᠠᠨ ᠦᠬᠡᠷ ᠲᠤᠭᠤᠯ ᠡᠭᠡ ᠲᠠᠢ ᠪᠠᠨ ᠬᠤᠨᠤᠵᠤ ᠶᠠᠷᠦ ᠨᠢ ᠯᠡ ᠨᠠᠮᠤᠷ ᠤᠷᠦ᠋ᠢᠳᠠᠬᠤ ᠶᠠᠩᠵᠤ ᠲᠠᠢ᠃ | ᠬᠦᠮᠦᠨ ᠮᠠᠯ ᠬᠤᠶᠠᠷ ᠲᠤ ᠡᠪᠡᠰᠦ ᠰᠦᠯ ᠰᠠᠶᠢᠳᠠᠢ ᠪᠡᠯᠴᠢᠭᠡᠷ᠂ ᠲᠤᠯᠠᠭᠠᠨ ᠨᠠᠮᠤᠷᠵᠢᠶᠠ ᠪᠠᠨ ᠦᠭᠡᠶᠢᠯᠡᠬᠦ ᠨᠢ ᠬᠤᠨᠤᠭ | ᠬᠤᠨᠤᠭ ᠢᠶᠠᠷ ᠨᠡᠮᠡᠭᠳᠡᠨᠡ᠃ ᠠᠪᠤ ᠭᠡᠵᠦ ᠰᠡᠳᠭᠢᠯ ᠨᠢ ᠭᠡᠭᠡᠯᠵᠡᠵᠦ᠂ ᠬᠦᠯ ᠨᠢ ᠬᠦᠩᠭᠡᠷᠡᠭᠰᠡᠨ ᠬᠦᠮᠦᠨ ︽ᠡᠳ᠋ ᠮᠠᠯ | ᠶᠤᠮ ᠰᠠᠨ ᠪᠤᠯ ᠨᠠᠮᠤᠷᠵᠢᠶᠠ ᠤᠷᠤᠭᠤ ᠨᠢ ᠵᠦᠭᠯᠡᠭᠦᠯᠴᠢᠬᠦ ᠶᠤᠮ ᠰᠠᠨ᠃ ᠨᠠᠮᠤᠷ ᠤᠷᠦ᠋ᠢᠰᠢᠵᠤ ᠪᠠᠶᠢᠬᠤ ᠳᠤ ᠡᠳᠡ | ᠶᠡᠷᠦ ᠨᠢ ᠶᠠᠭᠠᠬᠢᠵᠤ ᠲᠡᠷᠡ ᠶᠡᠭᠡ ᠭᠠᠳᠠᠭᠠᠳᠤ ᠲᠠᠯᠠᠢ ᠶᠢᠨ ᠪᠠᠷᠠ ᠬᠠᠷᠠᠨᠠ ᠭᠡᠵᠦ ᠬᠤᠷᠭᠤᠳᠠᠵᠤ ᠪᠠᠶᠢᠳᠠᠭ ᠪᠤᠯ︾ | ᠭᠡᠮᠡᠨ ᠦᠭᠡᠯᠡᠬᠦ ᠦᠷᠦ ᠡᠪᠡᠳᠬᠦ ᠶᠢᠨ ᠵᠠᠪᠰᠠᠷ ᠲᠤ ᠠᠭᠠᠰᠢᠯᠠᠨᠠ᠃ ᠮᠠᠨ ᠤ ᠬᠢᠨ ᠲᠡᠶᠢᠨ ᠪᠠᠰᠠ ᠯᠠ ᠬᠤᠶᠠᠷ ᠭᠤᠷᠪᠠ | ᠬᠤᠨᠤᠭ ᠤᠨ ᠨᠡᠭᠦᠳᠡᠯ ᠠᠯᠳᠠᠯᠠ᠃ ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠳᠤ ᠬᠤᠷᠭᠤᠳᠠᠬᠤ ᠡᠶᠢᠮᠦ ᠭᠡᠭᠡᠯᠬᠡᠨ ᠵᠠᠩ ᠬᠦᠮᠦᠨ ᠳᠤ | ᠪᠠᠰᠠ ᠪᠠᠶᠢᠳᠠᠭ ᠡ ᠭᠡᠬᠦ ᠠᠴᠠ ᠨᠠᠳᠠ ᠳᠤ ᠠᠪᠤ ᠶᠢ ᠪᠠᠨ ᠴᠤ ᠶᠤᠮ ᠤᠤ᠂ ᠠᠯᠢ ᠡᠰᠡᠪᠡᠯ ᠰᠦᠷᠦᠭ ᠲᠤᠭᠤᠷᠤᠤ ᠶᠢ | ᠴᠤ ᠶᠤᠮ ᠤᠤ᠂ ᠶᠠᠷᠦ ᠠᠴᠠ ᠨᠢᠭᠡ ᠯᠡ ᠶᠠᠭᠤᠮᠠ ᠶᠢ ᠦᠷᠦ ᠡᠪᠡᠳᠬᠦ ᠰᠡᠳᠭᠢᠯ ᠲᠦᠷᠦᠨᠡ᠃ | ᠠᠪᠤ ᠠᠴᠢᠯᠠᠭᠠ ᠤᠨᠤᠯᠭᠠ ᠳᠠᠭᠠᠨ ᠶᠠᠪᠤᠨᠠ ᠭᠡᠭᠰᠡᠭᠡᠷ ᠦᠷᠯᠦᠭᠡ ᠡᠷᠳᠡᠯᠡᠨ ᠮᠤᠷᠳᠠᠪᠠ᠃ ᠬᠡᠳᠦᠨ ᠲᠡᠮᠡᠭᠡ ᠮᠠᠨᠢ | ᠬᠤᠯᠠᠳᠠᠬᠤ ᠴᠤ ᠪᠢᠰᠢ ᠳ᠋ᠠ ᠦᠪᠦᠷ ᠬᠠᠳᠠᠨ ᠳᠤ ᠯᠠ ᠬᠠᠷᠭᠠᠨᠠ ᠰᠡᠷᠮᠡᠵᠦ ᠪᠠᠶᠢᠭᠠ᠃ ᠭᠡᠳᠡᠯᠠ ᠠᠪᠤ ᠪᠦᠷᠦᠢ | ᠪᠤᠯᠳᠠᠯᠠ ᠢᠷᠡᠭᠰᠡᠨ ᠦᠭᠡᠢ᠃ ᠢᠷᠡᠬᠦ ᠳᠡᠭᠡᠨ ᠴᠢᠷᠠᠢ ᠨᠢ ᠶᠡᠭᠡ ᠯᠡ ᠪᠠᠷᠤᠭᠠᠷ ᠪᠠᠶᠢᠯᠠ᠃ ᠰᠢᠷᠠ ᠲᠤᠰᠤ ᠬᠦᠪᠪᠦᠭᠰᠡᠨ | ᠠᠶᠠᠭᠠ ᠴᠠᠢ ᠴᠢᠮᠡᠭᠡ ᠦᠭᠡᠶᠢᠬᠡᠨ ᠤᠭᠤᠴᠢᠯᠠᠵᠤ ᠰᠠᠭᠤᠨᠠ᠃ | ᠨᠡᠭᠦᠶᠡ ᠳ᠋ᠡ᠂ ᠬᠡᠤᠬᠡᠳ ᠤᠳ ᠮᠢᠨᠢ᠃ ᠲᠡᠭᠷᠢ ᠠᠶᠠ ᠦᠭᠡᠶᠢᠷᠡᠬᠦ ᠶᠠᠩᠵᠤ ᠲᠠᠢ᠃ ᠬᠤᠶᠢᠳᠤ ᠬᠠᠶᠢᠷᠬᠠᠨ | ᠬᠠᠷᠠᠩᠭᠤᠶᠢᠢᠯᠠᠭᠠᠳ ᠁ ᠠᠶᠠ ᠦᠭᠡᠢ ᠪᠤᠯ ᠴᠠᠰᠤ ᠴᠤ ᠤᠷᠤᠵᠤ ᠮᠡᠳᠡᠬᠦ ᠨᠢ ᠭᠡᠭᠰᠡᠭᠡᠷ ᠲᠤᠳᠤᠭᠤᠷ ᠰᠠᠨᠠᠭᠠ | ᠠᠯᠳᠠᠪᠠ᠃ ᠵᠤᠨᠵᠢᠨ ᠨᠢᠷᠤᠭᠤ ᠠᠮᠠᠷᠠᠭᠠᠭᠰᠠᠨ ᠬᠡᠳᠦᠨ ᠠᠳᠠ ᠮᠠᠨᠢ ᠬᠤᠵᠢᠷᠰᠢᠭᠰᠠᠨ ᠪᠤᠯᠤᠯᠳᠠᠢ᠃ ᠭᠠᠩᠭᠠᠨ ᠳᠤ | ᠠᠰᠠᠬᠠᠰᠠᠨ ᠦᠨᠡᠰᠦ ᠦᠨᠦᠷᠯᠡᠨ᠂ ᠪᠤᠭᠤᠷᠤᠯ ᠤᠷᠤᠭᠤᠯ ᠢᠶᠠᠷ ᠢᠶᠠᠨ ᠲᠡᠯᠭᠡᠴᠡ ᠲᠠᠢ ᠠᠭᠠᠷᠤᠤᠯ ᠬᠠᠮᠤᠵᠤ ᠠᠵᠢᠯ | ᠤᠳᠠᠨᠠ᠃ ᠡᠵᠢ ︽ᠬᠦᠦ ᠮᠢᠨᠢ ᠴᠠᠭᠠᠳᠤ ᠦᠨᠡᠰᠦ ᠪᠠᠨ ᠪᠤᠯᠠ᠃ ᠠᠶᠠ ᠦᠭᠡᠢ ᠪᠤᠯ ᠲᠡᠮᠡᠭᠡ ᠬᠦᠷᠪᠡᠴᠢᠭᠡᠨᠡ᠃ | ᠪᠢᠳᠡ ᠯᠡ ᠪᠤᠯᠤᠬᠰᠠᠨ ᠬᠤᠶᠢᠨᠠ ᠵᠡᠭᠦᠦ ᠬᠠᠳᠠᠭᠠᠰᠤ ᠪᠠᠨ ᠬᠦᠷᠳᠡᠯᠡ ᠦᠨᠡᠰᠦ ᠲᠠᠢ ᠪᠠᠨ ᠭᠠᠷᠭᠠᠭᠠᠳ ᠵᠠᠯᠠᠴᠢᠬᠠᠳᠠᠭ | ᠬᠤᠶᠢᠨᠠ᠃ ᠮᠠᠯ ᠵᠤᠪᠠᠭᠠᠴᠢᠬᠠᠵᠤ ᠶᠠᠭᠤᠨ ᠮᠠᠭᠠᠳ︾ ᠭᠡᠵᠦ ᠰᠤᠷᠭᠠᠨᠠ᠃ | ᠪᠦᠷᠦᠢ ᠪᠤᠯᠵᠤ ᠭᠠᠯ ᠰᠢᠳᠦᠭᠰᠡᠨ ᠬᠠᠯᠠᠭᠤᠨ ᠠᠮᠢ ᠪᠢᠳᠡ ᠭᠡᠳᠦ ᠲᠤᠭᠤᠭᠠ ᠪᠠᠨ ᠲᠤᠭᠤᠷᠢᠵᠤ ᠰᠠᠭᠤᠳᠠᠯᠠ | ᠲᠤᠭᠤᠷᠤᠤ ᠭᠠᠩᠭᠠᠨᠠᠯᠳᠤᠵᠤ ᠡᠬᠢᠯᠡᠪᠡ᠃ ᠠᠪᠤ ᠴᠤ ᠨᠢᠳᠦ ᠨᠢ ᠰᠡᠷᠭᠦᠭᠡᠳ ᠢᠷᠡᠯᠡ᠃ ︽ᠤᠳᠤ ᠯᠠ ᠨᠤᠳᠤᠭ | ᠪᠤᠴᠠᠬᠤ ᠨᠢ ᠳ᠋ᠠ᠂ ᠬᠦᠭᠡᠷᠦᠬᠦ᠋ᠢᠰ︾ ᠭᠡᠭᠰᠡᠭᠡᠷ ᠠᠪᠤ ᠮᠤᠳᠤ ᠲᠤᠯᠤᠭᠠᠢ ᠪᠠᠨ ᠰᠢᠭᠦᠷᠴᠦ ᠠᠪᠤᠨ ᠲᠠᠮᠠᠬᠢ ᠪᠠᠨ | ᠨᠡᠷᠡᠭᠰᠡᠨ ᠢᠶᠠᠨ᠂ ︽ᠲᠡᠭᠡᠨᠡ ᠡ ᠲᠡᠷᠡ᠂ ᠲᠡᠭᠷᠢ ᠬᠠᠩᠭᠠᠢ ᠮᠠᠭᠤᠳᠠᠬᠤ ᠨᠢ᠃ ᠡᠨᠡ ᠮᠠᠭᠤ ᠭᠠᠩᠰᠠ ᠪᠢᠳᠡᠭᠦᠷᠡᠭᠡᠳ︾ | ᠭᠡᠭᠰᠡᠭᠡᠷ ᠰᠡᠳᠭᠢᠭᠦᠷᠳᠡᠵᠦ ᠭᠠᠷᠪᠠ᠃ ᠭᠠᠳᠠᠭᠠ ᠲᠤᠭᠤᠷᠤᠤ ᠨᠤᠭᠤᠳ ᠭᠠᠩᠭᠠᠨᠠᠯᠳᠤᠨᠠ᠃ ︽ᠠᠮᠢᠳᠠᠨ ᠤ ᠪᠠᠭᠠ | ᠭᠡᠵᠦ︕ ᠁︾ ᠭᠡᠭᠰᠡᠭᠡᠷ ᠡᠵᠢ ᠰᠠᠨᠠᠭᠠ ᠠᠯᠳᠠᠯᠠ᠃ ᠪᠢ ᠲᠡᠷᠡ ᠦᠭᠡ ᠶᠢᠨ ᠤᠴᠢᠷ ᠢ ᠤᠯᠤᠭᠰᠠᠨ ᠦᠭᠡᠢ᠃ | | ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠮᠠᠨ ᠤ ᠨᠤᠳᠤᠭ ᠤᠨ ᠲᠤᠭᠤᠷᠤᠤ ᠨᠤᠭᠤᠳ ᠪᠠᠷᠠ ᠰᠤᠷᠠᠭ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠪᠠ | ᠃ ᠠᠪᠤ ᠴᠤ ᠭᠡᠷ ᠪᠠᠷᠠᠭᠠ ᠪᠠᠨ ᠪᠠᠭᠤᠯᠭᠠᠨ ᠠᠴᠢᠶᠠᠯᠠᠵᠤ ᠭᠠᠷᠤᠯᠠ᠃ ᠠᠪᠤ ᠪᠦᠷ ᠲᠠᠮᠢᠷ ᠲᠡᠩᠭᠡᠭᠡ ᠤᠷᠤᠴᠢᠬᠠᠭᠰᠠᠨ | ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠯᠠ᠃ ᠠᠶᠢᠯ ᠭᠡᠳᠡᠭ ᠬᠠᠷᠠᠩᠭᠤᠢ ᠰᠦᠨᠢ ᠪᠠᠷ ᠨᠡᠬᠦᠬᠦ ᠪᠢᠰᠢ ᠳ᠋ᠡ᠃ ᠭᠡᠳᠡᠯᠡ ᠰᠢᠪᠠᠭᠤᠳ | ᠰᠦᠨᠢ ᠪᠠᠷ ᠨᠡᠭᠦᠴᠢᠭᠡᠳᠡᠭ ᠁ ᠬᠤᠳᠠ ᠡᠵᠡᠭᠦ᠋ᠢᠷᠡᠴᠢᠭᠡᠭᠰᠡᠨ ᠶᠤᠮ ᠰᠢᠭ᠋ ᠨᠢᠭᠡ ᠯᠡ ᠬᠠᠴᠢᠨ ᠁ ᠬᠦᠮᠦᠨ | ᠰᠢᠪᠠᠭᠤ ᠬᠤᠶᠠᠷ ᠢᠩᠬᠢᠳᠡᠯᠡ ᠪᠠᠨ ᠪᠡᠶᠡ ᠪᠡᠶᠡ ᠳᠡᠭᠡᠨ ᠲᠠᠰᠳᠠᠭ ᠤᠨ ᠤᠴᠢᠷ ᠢ ᠪᠢ ᠪᠦᠷ ᠬᠤᠵᠢᠮ ᠨᠢ ᠤᠬᠠᠭᠠᠷᠠᠵᠤ | ᠪᠢᠯᠡ᠃ ᠲᠡᠷᠡ ᠦᠷᠯᠦᠭᠡ ᠪᠢ ᠡᠵᠢ ᠠᠴᠠ ᠲᠤᠭᠤᠷᠤᠤ ᠶᠠᠭᠠᠬᠢᠭᠠᠳ ᠦᠤᠷ ᠰᠦᠨᠢ ᠪᠠᠷ ᠪᠤᠴᠠᠳᠠᠭ ᠤᠨ ᠤᠴᠢᠷ ᠢ | ᠠᠰᠠᠭᠤᠯᠠ᠃ ︽ᠦᠷᠡ ᠲᠦᠯ ᠨᠢ ᠬᠤᠷᠭᠤᠳᠠᠭᠠᠳ ᠪᠠᠶᠢᠳᠠᠭ ᠪᠤᠯᠬᠤᠷ ᠦᠤᠷ ᠰᠦᠨᠢ ᠪᠠᠷ ᠪᠤᠴᠠᠳᠠᠭ ᠶᠤᠮ ᠡ ᠬᠦᠦ | ᠮᠢᠨᠢ︾ ᠭᠡᠭᠰᠡᠭᠡᠷ ᠡᠵᠢ ᠰᠢᠨᠡ ᠡᠳᠦᠷ ᠤᠨ ᠨᠠᠷᠠᠨ ᠤ ᠲᠤᠶᠠᠭᠠ ᠰᠢᠷᠭᠠᠯᠳᠤᠭᠰᠠᠨ ᠡᠮᠦᠨᠡ ᠲᠡᠭᠷᠢ ᠶᠢᠨ ᠬᠠᠶᠠᠭᠠ | ᠦᠭᠡᠳᠡ ᠰᠦᠨ ᠤ ᠲᠡᠭᠡᠵᠢ ᠪᠠᠨ ᠡᠷᠭᠦᠵᠦ ᠪᠠᠶᠢᠯᠠ᠃ | ᠨᠠᠷᠠ ᠪᠤᠴᠠᠵᠤ ᠲᠤᠭᠤᠷᠤᠤ ᠨᠤᠭᠤᠳ ᠬᠤᠷᠭᠤᠳᠠᠭᠰᠠᠨ ᠲᠡᠷᠡ ᠨᠠᠮᠤᠷ ᠢ ᠪᠢ ᠤᠭᠳᠤ ᠮᠠᠷᠳᠠᠳᠠᠭ ᠦᠭᠡᠢ᠃ | ᠤᠯᠠᠨ ᠤᠯᠠᠨ ᠨᠠᠮᠤᠷ ᠢ ᠪᠤᠮᠪᠠᠳᠤ ᠶᠢᠨ ᠢᠶᠠᠨ ᠵᠤᠰᠠᠯᠠᠩ ᠳᠤ ᠬᠡᠳᠦᠨᠳᠡ ᠤᠭᠳᠤᠭᠰᠠᠨ ᠴᠤ ᠲᠡᠷᠡ ᠵᠢᠯ ᠤᠨ ᠬᠢ ᠰᠢᠭ | ᠨᠠᠮᠤᠷ ᠤᠬᠠᠭᠠᠨ ᠳᠤ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠠᠢ ᠬᠦᠭᠡᠷᠦᠬᠦᠢ ᠲᠡᠭᠷᠢ ᠶᠢᠨ ᠰᠦᠷᠦᠭ ᠬᠦᠭᠡ ᠲᠤᠭᠤᠷᠤᠤ ᠮᠢᠨᠢ | ᠮᠡᠨᠳᠦ ᠯᠡ ᠶᠠᠪᠤᠭᠠᠷᠠᠢ᠃ ᠬᠤᠶᠢᠳᠤᠨ ᠵᠢᠯ ᠬᠠᠯᠠᠭᠤᠨ ᠪᠦᠯᠢ ᠪᠠᠷ ᠢᠶᠠᠨ ᠪᠤᠴᠠᠭᠠᠳ ᠢᠷᠡᠭᠡᠷᠡᠢ᠃ ᠪᠦᠷ ᠮᠢᠩᠭᠠ | ᠮᠢᠩᠭᠠᠨ ᠵᠢᠯ ᠵᠡᠯᠡᠯᠡᠨ ᠵᠡᠯᠡᠯᠡᠨ ᠢᠷᠡᠭᠡᠷᠡᠢ ᠭᠡᠰᠡᠨ ᠮᠢᠨᠦ ᠪᠠᠭᠠ ᠶᠢᠨ ᠰᠡᠳᠭᠢᠯ ᠨᠠᠳᠠ ᠳᠠᠭᠠᠨ ᠡᠭᠦᠷᠢᠳᠡ ᠦᠯᠡᠳᠡᠵᠦ | ᠳ᠋ᠡ᠃ ︵ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠠᠴᠠ︶ | ᠵᠣᠬᠢᠶᠠᠭᠴᠢ᠄ ︵ᠮᠤᠩᠭᠤᠯ︶ ᠰ᠊ · ᠫᠦᠷᠪᠦ |