| ᠠᠪᠤ ᠬᠡᠷ ᠪᠠᠷᠠᠭᠠ ᠨᠡᠬᠦᠯᠬᠡᠬᠦ᠂ ᠲᠡᠮᠡᠭᠡ ᠬᠤᠮᠨᠠᠬᠤ ᠠᠴᠢᠶᠠᠯᠠᠬᠤ ᠠᠴᠠ ᠡᠬᠢᠯᠡᠭᠡᠳ ᠪᠦᠬᠦ᠋ᠢᠯᠡ ᠬᠠᠷᠠ ᠪᠤᠷᠤ | ᠠᠵᠢᠯ ᠢ ᠪᠠᠷᠠᠭᠤᠨ ᠡᠪᠦᠳᠦᠭ ᠪᠠᠰᠠ ᠰᠤᠭᠤ ᠲᠠᠢ ᠪᠠᠨ ᠬᠠᠮᠵᠢᠨ᠂ ᠶᠡᠷᠤ ᠡᠷᠭᠡᠳᠡᠨ ᠬᠦᠢᠴᠡᠳ ᠲᠤᠷᠵᠢ ᠭᠤᠸᠠᠢ ᠠᠴᠠ | ᠢᠯᠡᠬᠦᠦ ᠭᠢᠳᠡᠭ ᠲᠤ ᠪᠢ ᠶᠡᠭᠡᠳᠡ ᠭᠠᠶᠢᠬᠠᠨᠠ᠃ ᠲᠡᠭᠡᠭᠡᠳ ᠬᠤᠶᠠᠷ ᠭᠠᠷ ᠤᠨ ᠪᠢᠷᠠ ᠲᠡᠩᠭᠡᠭᠡ ᠶᠢ᠂ ᠦᠯᠡᠳᠡᠭᠰᠡᠨ | ᠭᠠᠭᠴᠨ ᠭᠠᠷ ᠨᠢ ᠤᠷᠤᠯᠠᠵᠤ ᠬᠤᠴᠤᠷᠴᠤ ᠳ᠋ᠠ ᠬᠡᠵᠤ ᠪᠤᠳᠤᠬᠤᠶᠠ ᠁ ᠠᠪᠤ ᠮᠢᠨᠢ ᠲᠠᠶᠢᠨ ᠳᠤ ᠶᠠᠪᠤᠵᠤ | ᠦᠷᠦᠭᠡᠰᠦᠨ ᠭᠠᠷ ᠲᠠᠢ ᠪᠤᠯᠤᠭᠠ ᠦᠬᠡᠢ ᠰᠠᠨ ᠪᠤᠯ ᠰᠤᠮᠤᠨ ᠤ ᠠᠷᠰᠯᠠᠨ ᠭᠡᠷᠡᠯ ᠢ ᠴᠤ ᠶᠠᠭᠤᠮᠠᠨ ᠴᠢᠨᠡᠭᠡᠨ ᠳᠤ | ᠪᠤᠳᠤᠬᠤ ᠦᠬᠡᠢ ᠳ᠋ᠠ ᠬᠡᠮᠡᠨ ᠬᠠᠷᠠᠮᠰᠠᠬᠤ ᠶᠢᠨ ᠶᠡᠭᠡᠪᠡᠷ ᠬᠠᠷᠠᠮᠰᠠᠨᠠ᠃ | ᠵᠤᠨ ᠪᠤᠯᠬᠤ ᠪᠠᠷ ᠮᠠᠨ ᠤ ᠨᠤᠳᠤᠭ ᠤᠰᠤᠨ ᠤ ᠬᠢᠨ ᠰᠡᠷᠢᠬᠦᠨ ᠢ ᠪᠠᠷᠠᠳᠠᠠ ᠠᠭᠤᠯᠠᠨ ᠳᠠᠭᠠᠨ ᠭᠠᠷᠴᠤ | ᠵᠤᠨᠰᠢᠨᠠ᠃ ᠮᠠᠨᠠᠶᠢᠭᠢ ᠨᠢᠭᠡᠳᠦᠯ ᠤᠨ ᠴᠦᠭᠡᠨ ᠲᠡᠮᠡᠭᠡ ᠲᠠᠢ ᠠᠭᠤᠯᠠᠨ ᠳᠤ ᠨᠡᠬᠦᠳᠡᠯ ᠰᠡᠯᠬᠦᠭᠡᠳ ᠤᠳᠠᠭᠠ ᠦᠬᠡᠢ | ᠪᠠᠶᠢᠳᠠᠯᠠ ᠨᠢᠭᠡ ᠡᠳᠦᠷ ᠬᠤᠷᠰᠢᠶᠠᠨ ᠲᠠᠷᠤᠭᠠ ᠢᠷᠡᠵᠤ ︽ᠬᠤᠶᠢᠳᠤ ᠰᠢᠯᠢ︾ ᠳᠤ ᠪᠠᠶᠢᠭᠠ ᠠᠷᠪᠠᠨ ᠲᠡᠮᠡᠭᠡᠨ | ᠨᠤᠤᠰᠤ ᠶᠢ ᠮᠠᠷᠭᠠᠰᠢ ᠬᠡᠬᠦ ᠳᠤ ᠰᠤᠮᠤᠨ ᠤ ᠲᠦᠪ ᠬᠦᠷᠭᠡᠭᠰᠡᠨ ᠪᠠᠶᠢᠬᠤ ᠲᠠᠭᠠᠭᠠᠯᠭᠠᠪᠤᠷᠢ ᠦᠭᠬᠦᠭᠡᠳ ᠪᠤᠤᠬᠢᠶᠠ | ᠠᠳᠠᠯᠢ ᠮᠤᠷᠳᠠᠨ ᠠᠯᠠᠭᠠ ᠪᠤᠯᠪᠠ᠃ | ᠠᠪᠤ ᠮᠢᠨᠢ ᠨᠠᠷᠨᠨ ᠤ ᠭᠤᠤᠯ ᠲᠠᠢ ᠳᠤ ᠲᠡᠮᠡᠭᠡ ᠮᠠᠯ ᠢᠶᠠᠨ ᠲᠦᠬᠦᠭᠦᠯᠬᠦ ᠪᠠᠷ ᠰᠠᠶ᠋ᠢᠬᠠᠨ ᠰᠤᠷᠭᠠᠭᠰᠠᠨ ᠬᠡᠭᠡᠷ | ᠦᠷᠢᠶᠠ ᠪᠠᠨ ᠤᠨᠤᠭᠠᠳ ᠶᠠᠭᠠᠷᠠᠨ ᠤᠳᠤᠯᠠ᠃ ᠡᠵᠢ ᠰᠠᠭᠠᠯᠢ ᠳᠠᠭᠠᠨ ᠭᠠᠷᠴᠤ ᠪᠢ ᠠᠶᠢᠷᠠᠭ ᠢᠶᠠᠨ ᠬᠢᠷᠠᠮᠠᠯᠠᠵᠤ | ᠪᠦᠯᠢᠵᠤ ᠡᠬᠢᠯᠡᠪᠠ᠃ ᠲᠤᠤᠷᠠ ᠪᠦᠬᠦᠨ ᠳᠡᠭᠡᠨ ᠯᠠ ᠠᠵᠢᠯ ᠲᠠᠢ᠃ ᠦᠷᠯᠦᠭᠡᠨ ᠤ ᠰᠡᠷᠢᠬᠦᠨ ᠢᠶᠠᠷ ᠡᠷᠳᠡᠯᠡᠨ ᠪᠤᠰᠴᠤ | ᠲᠤᠭᠤᠭᠠ ᠨᠠᠷᠠᠨ᠂ ᠪᠠᠰᠠ ᠬᠡᠳᠦᠨ ᠲᠦᠯᠦᠭᠡ ᠶᠢᠨ ᠢᠶᠠᠨ ᠨᠤᠤᠰᠤ ᠠᠬᠤᠷᠯᠠᠬᠤ ᠭᠡᠳ ᠲᠠᠷᠠᠭᠠ ᠲᠠᠷᠠᠭᠠ ᠶᠢᠨ ᠠᠵᠢᠯ | ᠮᠤᠩᠳᠠᠬᠤ ᠪᠢᠰᠢ ᠳ᠋ᠠ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠰᠦᠨᠢ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ ᠬᠡᠳᠡᠯᠠ ᠲᠡᠮᠡᠭᠡᠨ ᠳᠤ ᠶᠠᠪᠤᠭᠰᠠᠨ ᠠᠪᠤ | ᠮᠢᠨᠢ ᠪᠠᠶᠢᠳᠠᠭ ᠦᠬᠡᠢ᠃ ᠡᠵᠢ ᠪᠢᠳᠠ ᠬᠤᠶᠠᠷ ᠤᠨ ᠰᠠᠨᠠᠭᠠ ᠵᠤᠪᠠᠵᠤ ᠪᠡᠶᠠ ᠪᠡᠶᠠ ᠪᠠᠨ ᠬᠠᠷᠠᠨ ᠡᠬᠡᠯᠵᠢᠯᠡᠨ ᠤᠷᠤᠠ | ᠭᠠᠷᠴᠤ ᠪᠠᠶᠢᠪᠠ᠃ ᠠᠯᠤᠰ ᠲᠤ ᠲᠡᠮᠡᠭᠡ ᠭᠤᠩᠭᠠᠨᠠᠬᠤ ᠰᠤᠨᠤᠰᠳᠠᠪᠠ᠃ ᠠᠱᠢᠬᠦᠢ ᠢᠷᠡᠯᠠ ᠬᠡᠵᠤ ᠪᠢ ᠰᠤᠮᠤ ᠰᠢᠭ᠋ | ᠬᠤᠷᠳᠦᠯᠠᠨ ᠭᠠᠷᠪᠠ᠃ ᠬᠠᠷᠠᠪᠠᠯ ᠰᠠᠷᠠᠨ ᠤ ᠰᠠᠷᠠᠭᠤᠯ ᠳᠤ ᠠᠪᠤ ᠬᠡᠳᠦᠨ ᠲᠡᠮᠡᠭᠡ ᠪᠠᠨ ᠲᠠᠭᠤᠭᠰᠠᠭᠠᠷ ᠠᠶᠢᠰᠤᠢ᠃ | ︽ᠶᠠᠭᠠᠭᠢᠭᠰᠠᠨ ᠬᠤᠯᠠ ᠶᠠᠪᠤᠭᠰᠠᠨ ᠭᠤᠪᠤᠷᠤᠤ︾ ᠬᠡᠵᠤ ᠡᠵᠢ ᠠᠮᠨᠨ ᠳᠠᠭᠠᠨ ᠪᠠᠪᠠᠳᠤᠨᠠᠨ ᠭᠠᠯ ᠳᠠᠭᠠᠨ | ᠦᠭᠡᠷ ᠤᠨ ᠬᠠᠯᠳᠠᠷ ᠠᠷᠭᠠᠯ ᠰᠡᠯᠪᠢᠪᠠ᠃ ᠤᠳᠠᠭᠰᠠᠨ ᠴᠤ ᠦᠬᠡᠢ ᠠᠪᠤ ᠴᠢᠷᠠᠢ ᠨᠢ ᠪᠠᠷᠤᠭᠠᠷᠳᠠᠭᠤ ᠤᠷᠤᠵᠤ | ᠢᠷᠡᠭᠰᠡᠨ ᠨᠢ ᠯᠠ ᠶᠢᠨ ᠭᠡᠷᠡᠯ ᠳᠤ ᠲᠤᠳᠤᠬᠠᠨ ᠬᠠᠷᠠᠭᠳᠠᠪᠠ᠃ ᠡᠵᠢ ᠴᠠᠢ ᠠᠶᠠᠭᠠᠯᠠᠬᠤ ᠶᠢᠨ ᠲᠠᠭᠠᠤ᠄ | ︽ᠴᠠᠭᠠᠳᠤ ᠬᠡᠳᠤ ᠴᠢᠨᠢ ᠬᠠᠮᠢᠭᠠ ᠨᠢ ᠶᠠᠪᠤᠨᠠ ᠁ ᠬᠤᠵᠢᠷ ᠮᠡᠷᠠ ᠬᠦᠭᠡᠭᠡᠭᠡᠳ ᠠᠯᠠᠭᠠ ᠪᠤᠯᠴᠢᠬᠠᠭᠠ | ᠤᠤ︾ ᠭᠡᠪᠡᠯ | ︽ᠨᠢᠭᠡ ᠶᠡᠭᠡ ᠭᠠᠪᠢᠬᠰᠠᠨ ᠴᠤ ᠶᠠᠭᠤᠮᠠ ᠦᠬᠡᠢ᠂ ᠬᠠᠷᠢᠨ ᠡᠨᠡ ᠮᠠᠭᠤ ᠦᠷᠢᠶᠠ ᠲᠦᠢᠯᠠᠭᠠᠳ ᠭᠠᠷ ᠤᠨ | ᠰᠢᠯᠪᠢ ᠴᠤᠭᠤᠷᠴᠢᠬᠠᠪᠠ ᠪᠤᠯᠤᠯᠳᠠᠢ᠃ ᠵᠠᠮ ᠳᠠᠭᠠᠨ ᠲᠠᠶᠠᠨ ᠬᠦᠭᠰᠢᠨ ᠤ ᠬᠢ ᠪᠠᠷ ᠤᠷᠤᠵᠤ ᠪᠤᠭᠤᠯᠭᠠᠴᠢᠬᠠᠭᠠᠳ | ᠢᠷᠡᠯᠠ︾ ᠭᠡᠪᠡ᠃ ᠡᠵᠢ ᠲᠠᠭᠤ ᠲᠠᠪᠢᠨ ᠬᠠᠯᠠᠭᠯᠠᠪᠠ᠃ | ︽ᠡᠨᠡ ᠴᠤ ᠶᠠᠭᠠᠬᠢᠬᠤᠪ ᠬᠡᠳᠦᠨ ᠬᠤᠨᠤᠭ ᠠᠴᠠ ᠪᠤᠷᠤᠤᠯᠠᠨᠠ ᠪᠢᠵᠠ᠃ ᠮᠠᠷᠭᠠᠰᠢ ᠲᠡᠮᠡᠭᠡ ᠠᠴᠢᠶᠠᠯᠠᠬᠤ ᠯᠠ | ᠪᠠᠶᠢᠨᠠ︾ ᠬᠡᠵᠤ ᠠᠪᠤ ᠭᠡᠪ ᠨᠢᠭᠡ ᠲᠤᠤᠭᠠᠷᠬᠤ ᠳᠤ᠂ ᠲᠡᠷᠡ ᠴᠤ ᠶᠠᠭᠠᠮᠠᠢ ᠬᠡᠰᠡᠨ ᠪᠠᠶᠢᠷᠢ ᠲᠠᠢ ᠡᠵᠢ ᠪᠢᠳᠠ | ᠬᠤᠶᠠᠷ ᠤᠨ ᠲᠤᠳᠤᠷᠠ ᠲᠦᠷ ᠠᠭᠤᠵᠢᠷᠠᠬᠤ ᠠᠶᠠᠳᠠᠪᠠ᠃ ᠪᠢ | ᠪᠠᠭᠠ ᠠᠴᠠ ᠪᠠᠨ ᠬᠠᠷᠠ ᠠᠵᠢᠯ ᠳᠤ ᠲᠠᠰᠤᠭᠰᠠᠨ ᠪᠤᠯᠬᠤᠷ ᠶᠡᠷᠤ ᠲᠠᠩ ᠤᠨ ᠢᠶᠠᠨ ᠬᠡᠤᠭᠡᠳ ᠤᠳ ᠲᠤᠳᠤᠷᠠ | ᠪᠢᠷᠠ ᠴᠢᠳᠠᠯ ᠢᠶᠠᠷ ᠠᠷᠠᠢ ᠲᠦᠩᠬᠡᠬᠦᠷ ᠬᠡᠭᠳᠡᠬᠦ ᠠᠭᠠᠳ ᠠᠪᠤ ᠮᠢᠨᠢ ᠴᠤ ᠨᠠᠮᠠᠶᠢᠢ ᠡᠰᠢ ᠲᠡᠰᠢ ᠶᠠᠪᠤᠬᠤ ᠳᠠᠭᠠᠨ ᠬᠠᠨᠢ | ᠲᠠᠳᠠᠵᠤ ᠲᠠᠭᠠᠭᠤᠯᠤᠨ ᠶᠠᠪᠤᠬᠤ ᠲᠤᠷᠠᠳᠠᠢ ᠪᠠᠶᠢᠭᠰᠠᠨ ᠨᠢ ᠭᠠᠷ ᠤᠨ ᠦᠵᠦᠬᠦᠷ ᠲᠤ ᠵᠠᠷᠤᠬᠤ ᠬᠡᠰᠡᠨ ᠳᠡᠭᠡᠨ ᠪᠤᠰᠤ᠂ | ᠶᠠᠭᠤᠮᠠ ᠶᠠᠭᠤᠮᠠ ᠶᠢᠨ ᠳ᠋ᠦᠢᠳᠡᠢ ᠪᠤᠯᠭᠠᠬᠤ ᠬᠡᠰᠡᠨ ᠳᠡᠭᠡᠨ ᠲᠡᠷᠡ ᠪᠠᠶᠢᠯᠠ᠃ ᠪᠢᠳᠠ ᠦᠷᠯᠦᠭᠡ ᠡᠷᠳᠡᠯᠡᠨ | ᠪᠤᠰᠴᠠᠭᠠᠪᠠ᠃ ᠠᠪᠤ ᠶᠢᠨ ᠭᠠᠷ ᠬᠠᠪᠤᠳᠴᠠᠢ᠃ ᠪᠢ ᠡᠵᠢ ᠲᠠᠢ ᠪᠠᠨ ᠡᠯᠪᠡᠵᠤ ᠭᠡᠳᠦᠨ ᠲᠡᠮᠡᠭᠡ ᠪᠠᠨ ᠬᠤᠮᠨᠤᠨ | ᠬᠦᠳᠡᠯᠬᠦ ᠳᠡᠭᠡᠨ᠂ ᠵᠠᠮ ᠵᠠᠭᠤᠷᠠ ᠰᠠᠨᠠᠭᠠ ᠪᠠᠷ ᠤᠨᠠᠵᠤ ᠶᠠᠪᠤᠯᠠ᠃ ᠶᠡᠭᠡ ᠭᠠᠷ ᠤᠨ ᠬᠤᠸᠠᠩᠰᠠ ᠠᠴᠠ ᠲᠤᠮᠤ | ᠲᠠᠮᠫᠤᠤ ᠲᠠᠢ ᠨᠤᠤᠰᠤ ᠶᠠᠭᠠᠬᠢᠵᠤ ᠠᠴᠢᠨᠠ ᠳ᠋ᠠ ᠬᠡᠰᠡᠨ ᠨᠢᠭᠡᠨ ᠪᠤᠳᠤᠯ ᠮᠢᠨᠤ ᠰᠡᠳᠬᠢᠯ ᠢ ᠵᠤᠪᠠᠭᠠᠨᠠ᠃ ᠬᠡᠳᠡᠯᠠ | ᠠᠪᠤ ᠲᠡᠳᠦᠢ ᠯᠠ ᠲᠤᠭᠤᠭᠰᠠᠨ ᠶᠠᠩᠵᠤ ᠦᠬᠡᠢ ᠬᠠᠷᠢᠨ ᠡᠪᠡᠰᠤᠨ ᠲᠤᠯᠤᠭᠠᠢ ᠭᠠᠩᠬᠤᠳᠠᠯᠠ ᠬᠠᠩᠬᠢᠨᠠᠳᠠᠯᠠ | ᠢᠰᠭᠡᠷᠴᠤ ᠶᠠᠪᠤᠬᠤ ᠶᠢ ᠬᠠᠷᠠᠭᠠᠳ ᠲᠦᠷᠦᠬᠦᠴᠢ ᠶᠢᠨ ᠮᠢᠨᠤ ᠪᠤᠳᠤᠯ ᠵᠠᠮᠬᠠᠷᠠᠨ ᠠᠯᠠᠭᠠ ᠪᠤᠯᠪᠠ᠃ ᠡᠶᠢᠨᠬᠦ ᠵᠤᠭᠳᠤᠷ | ᠬᠦᠳᠡᠯᠭᠡᠭᠰᠡᠭᠡᠷ ︽ᠬᠤᠶᠢᠳᠤ ᠰᠢᠯᠢ︾ ᠳᠤ ᠭᠠᠷᠤᠯᠠ᠃ ᠲᠠᠮᠫᠤᠤᠯᠠᠵᠤ ᠬᠤᠷᠢᠶᠠᠭᠰᠠᠨ ᠨᠤᠤᠰᠤᠨ ᠤ ᠲᠡᠷᠭᠡᠳᠡ | ᠤᠴᠢᠵᠤ ᠲᠡᠮᠡᠭᠡ ᠪᠠᠨ ᠬᠡᠪᠳᠡᠬᠦᠯᠪᠠ᠃ ᠬᠡᠳᠡᠯᠠ ᠠᠪᠤ ᠯᠤᠤᠶᠠ ᠭᠤᠸᠠᠢ ᠶᠢᠨ ᠬᠦᠭᠰᠢᠨ ᠤ ᠲᠠᠷᠠᠰᠤᠨ ᠲᠡᠭᠡᠷᠠ ᠪᠠᠨ | ᠠᠭᠠᠷᠤᠤᠯ ᠬᠠᠭᠰᠠᠷᠠᠭᠠᠬᠤ ᠳᠠᠭᠠᠨ ᠭᠠᠷᠴᠤ ᠵᠤᠭᠰᠤᠳᠠᠭ ︽ᠢᠮᠠᠭᠠᠬᠠᠢ︾ ᠶᠢ ᠠᠪᠴᠢᠷᠠᠪᠠ᠃ | ︽ᠵᠠ ᠬᠦᠦ ᠮᠢᠨᠢ ᠠᠴᠢᠭᠠᠳ ᠪᠠᠶᠢᠨᠠ ᠳ᠋ᠠ᠂ ᠶᠠᠭᠤᠬᠠᠨ ᠪᠠᠶᠢᠬᠤᠪ᠂ ᠢᠮᠠᠭᠠᠬᠠᠢ ᠪᠠᠶᠢᠬᠤ ᠳᠤ ᠠᠯᠵᠠᠬᠤ | ᠦᠬᠡᠢ︾ ᠬᠡᠵᠤ ᠪᠠᠶᠢᠨᠠ᠃ ᠪᠢ ᠶᠡᠭᠡᠳᠡ ᠭᠠᠶᠢᠬᠠᠯᠠ᠃ ᠲᠠᠮᠫᠤᠤ ᠲᠠᠢ ᠨᠤᠤᠰᠤᠨ ᠤ ᠠᠮᠠᠨ ᠠᠴᠠ ᠨᠠᠳᠠ ᠪᠠᠷ | ᠲᠡᠭᠡᠭᠰᠢ ᠡᠷᠬᠦᠬᠦᠯᠦᠨ ᠦᠪᠡᠷ ᠢᠶᠠᠨ ᠡᠪᠦᠳᠦᠭ ᠲᠤᠬᠤᠢ ᠬᠤᠶᠠᠷ ᠢᠶᠠᠷ ᠢᠶᠠᠨ ᠲᠠᠮ ᠦᠭᠴᠤ ᠢᠮᠠᠭᠠᠬᠠᠢ ᠲᠡᠭᠡᠷᠠ | ᠲᠠᠯᠪᠢᠭᠠᠳ ᠨᠦᠬᠦᠭᠡ ᠲᠠᠯᠠ ᠶᠢᠨ ᠲᠠᠩ ᠢ ᠮᠦᠨ ᠲᠡᠭᠡᠵᠤ ᠠᠴᠢᠶᠠᠯᠠᠭᠰᠠᠭᠠᠷ ᠠᠷᠪᠠᠨ ᠠᠳᠠ ᠶᠢ ᠠᠷᠤ ᠠᠷᠤ ᠠᠴᠠ ᠨᠢ | ᠴᠦᠷᠭᠡᠯᠡᠪᠡ᠃ ᠠᠮᠢ ᠦᠬᠡᠢ ᠮᠦᠷᠳᠡᠭᠡᠨ ᠠᠮᠢ ᠲᠠᠢ ᠶᠤᠮ ᠰᠢᠭ᠋ ᠬᠦᠮᠦᠨ ᠴᠤ ᠪᠢᠰᠢ ᠠᠮᠢᠳᠠᠨ ᠴᠤ ᠪᠢᠰᠢ | ᠬᠦᠮᠦᠨ ᠳᠤ ᠲᠤᠰᠠᠴᠢ ᠢᠮᠠᠭᠠᠬᠠᠢ ᠶᠢ ᠪᠢ ᠲᠤᠰᠠᠴᠢ ᠢᠮᠠᠭᠠᠬᠠᠢ ᠬᠡᠵᠤ ᠬᠡᠯᠡᠨᠡᠮ᠃ ᠬᠦᠮᠦᠨ ᠳᠤ ᠲᠤᠰᠠᠴᠢ ᠢᠮᠠᠭᠠᠬᠠᠢ | ᠠᠪᠤ ᠪᠢᠳᠠ ᠭᠤᠷᠪᠠ ᠡᠶᠢᠨᠬᠦ ᠰᠤᠮᠤᠨ ᠤ ᠲᠦᠪ ᠤᠷᠤᠭᠤ ᠬᠦᠳᠡᠯᠵᠡᠭᠡᠪᠡ᠃ ᠠᠪᠤ ᠵᠠᠮ ᠳᠠᠭᠠᠨ ᠪᠡᠶᠠ ᠨᠤᠵᠤᠭᠤᠷᠠᠯ ᠢ | ᠲᠠᠶᠢᠯᠵᠤ ᠰᠠᠯᠬᠢ ᠬᠦᠳᠡᠯᠳᠡᠯᠠ ᠬᠠᠩᠬᠢᠨᠠᠳᠠᠯᠠ ᠢᠰᠭᠡᠬᠢᠷᠤᠨᠠ᠃ | ᠰᠡᠳᠬᠢᠯ ᠮᠢᠨᠢ ᠰᠡᠷᠬᠦᠨ ᠲᠤᠳᠤᠷᠠ ᠪᠦᠷ ᠠᠭᠤᠵᠢᠷᠠᠪᠠ᠃ ᠨᠤᠳᠤᠭ ᠤᠰᠤᠨ ᠤ ᠬᠢᠨ ᠠᠪᠤ ᠶᠢ ᠮᠢᠨᠢ ᠶᠡᠭᠡ | ᠪᠢᠷᠠᠳᠠᠢ ᠲᠡᠩᠭᠡᠭᠡᠳᠡᠢ ᠬᠦᠮᠦᠨ ᠬᠡᠵᠤ ᠶᠠᠷᠢᠯᠴᠠᠳᠠᠭ ᠨᠢ ᠦᠨᠡᠨ ᠳᠡᠭᠡᠨ ᠴᠢᠳᠠᠯ ᠢᠶᠠᠷ ᠪᠤᠰᠤ ᠶᠠᠭᠤᠮᠠᠨ ᠤ ᠡᠪ | ᠤᠯᠳᠠᠭ ᠲᠤ ᠯᠠ ᠤᠴᠢᠷ ᠪᠠᠶᠢᠵᠤ ᠁ ᠬᠡᠮᠡᠨ ᠪᠤᠳᠤᠵᠤ ᠶᠠᠪᠤᠯᠠ᠃ ᠠᠪᠤ ᠮᠢᠨᠢ ᠦᠷᠦᠭᠡᠰᠦᠨ ᠭᠠᠷ ᠲᠠᠢ ᠴᠤ | ᠬᠡᠰᠡᠨ ᠰᠤᠮᠤᠨ ᠤ ᠠᠷᠰᠯᠠᠨ ᠬᠡᠷᠡᠯ ᠢ ᠮᠡᠭᠡ ᠪᠠᠷ ᠯᠠᠪ ᠬᠠᠶᠠᠨᠠ ᠳ᠋ᠠ ᠁ ︵ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ | ᠰᠤᠨᠢᠨ ᠠᠴᠠ︶ | ᠵᠣᠬᠢᠶᠠᠭᠴᠢ᠄ ︵ᠮᠤᠩᠭᠤᠯ ᠤᠯᠤᠰ︶ ᠵ᠊ · ᠲᠤᠭᠠᠷᠵᠠᠪ |